اۋىر اتلەت يليا يلين بوكسپەن اينالىسا باستادى

- وتكەن جىلى جاتتىعۋ مانەرىڭىزدى تۇبەگەيلى وزگەرتكەنىڭىزدى جاريالاپ ەدىڭىز... قازىر قالاي جاتتىعىپ جاتىرسىز؟

- ءيا، تەمىر كوتەرۋمەن قاتار، جۇگىرۋدى دە ادەتىمە اينالدىردىم.

- 2007 - جىلى 1 - شاقىرىمنان ارتىق جۇگىرە المايمىن دەپ ەدىڭىز...

- قازىر 5 شاقىرىم، 6 شاقىرىم، قاجەت بولسا، ودان ۇزاق قاشىقتىقتى جۇگىرەمىن. بۇدان بولەك، بوكسپەن دە اينالىسىپ ءجۇرمىن. ءبىزدى رۇستەم سىباي جاتتىقتىرادى. جالپى، ءبىزدىڭ ۇرانىمىز: «شتانگيستتىڭ قولىنان بارلىعى كەلۋى ءتيىس». مەن 2 شاقىرىم قاشىقتىققا دەيىن جۇزەمىن، ودان ارتىعى - ارتىق بولادى. كروسفيتتى دە ازداپ قولعا الا باستادىم...

- سىزگە بوكس نەگە كەرەك؟

- سوققىمدى رەتكە كەلتىرۋ ءۇشىن. مەنىڭ كوپتەگەن دوسىم - بوكسشىلار. سەرىك ساپيەۆ، باقتيار ارتايەۆ. قاراعاندىدا روي دجونس كەلگەندە بوكس جايلى كوپ اڭگىمەلەستىك. سولارعا قاراپ تۇرىپ، بوكسپەن دە شۇعىلدانعىڭ كەلەدى ەكەن. مەنىڭشە، سپورتشى جان-جاقتى بولۋى ءتيىس.

- ال سوققىڭىز اۋىر ما؟

- جامان ەمەس! نەگىزى، بۇلشىق ەتتەردى شىنىقتىقتىرۋدىڭ كەز كەلگەن سپورتتا پايداسى زور. ءبىر جولى وزىمىزشە زەرتتەۋ جۇرگىزىپ كوردىك. ۆەلوسيپەد ايداپ، جىلدامدىعىمىزدى ولشەدىك. دارىگەرلەر تەكسەرە كەلە، مەنىڭ جىلدامدىعىم وتە جاقسى ەكەنىن، قازاقستاندا مەن سياقتى جىلدام سپورتشىلار ەكەۋ عانا ەكەنىن ايتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى