ورالدا ۇشقىشسىز ۇشاتىن اپپارات جاسالماق - فوتو
كەشەن ماسكەۋ وبلىسى ەگوريەۆسك قالاسىنداعى «قولدانبالى ەلەكتروديناميكا عىلىمي ورتالىعى» ا ا ق-دا جاسالعان. اتالمىش اپپاراتتى قورعانىستىق ماقساتتان باسقا قورشاعان ورتاعا مونيتورينگ جۇرگىزۋ، اەروسۋرەتكە ءتۇسىرۋ، قۇبىرلاردى، ەگىستەردى، ورمانداردى قاراۋ، ءى ءى م قاجەتتەرىنە پايدالانۋعا بولادى. كەشەن قازاقستاندا دا، ماسەلەن، پروتون-م راكەتا تاسىمالداعىشىنى قۇلاعان اۋدانىندا قولدانىلعان.
باس كونسترۋكتور، تەحنيكا عىلىمدارىنىڭ كانديداتى ارتەم سيلكيننىڭ سوزىنە قاراعاندا، مۇندا ادامنىڭ قىزمەتى پۋلتتىڭ كومەگىمەن باسقارىپ، باقىلاۋ عانا. قاشىقتىقتان باسقارىلاتىن اپپاراتتىڭ بورتىندا ونىڭ قايدا كەتىپ بارا جاتقان باعىتى مەن ۇشۋ جاعدايىن باقىلايتىن ەسەپتەگىش بار. پۋلتتەن بورتقا باعىت پەن ۇشۋ تاپسىرمالارى بەرىلەدى. ول ۇشۋ قوندىرعىسىنان كوتەرىلگەن كەزدە 50-100 مەتردەي، قونعاندا 100-150 مەتردەي بوس كەڭىستىك بولۋى كەرەك. اسفالتقا دا قونا الادى. سالماعى 20-25 كگ اپپاراتتىڭ ۇشۋ قاشىقتىعى 1 مىڭ شاقىرىمعا دەيىن جەتەدى. ۇزاقتىعى قويىلعان مىندەتكە بايلانىستى 5-10 ساعاتقا سوزىلادى.
5 مىڭ مەتر بيىكتىككە دەيىن كوتەرىلە الاتىن اپپاراتتىڭ ۇشۋ جىلدامدىعى - ساعاتىنا 100 ك م، كەيدە 160 قا دەيىن جەتەدى. ا ي-95 بەنزينىمەن جۇمىس جاسايتىن وعان سالماعى 5 كەلىدەن اسپايتىن بەينە، فوتوكامەرالار، گازواناليزاتورلار، اۋا جينايتىن اسپيراتورلاردى ورناتۋعا بولادى. سەكۋندىنا 20 مەترگە دەيىن جەل تۇرعان كەزدە، قار مەن جاڭبىر جاۋعاندا دا ۇشا الادى. الايدا مۇنداي جاعدايدا سۋرەتكە تۇسىرە المايدى. بۇل - سەريالىق ءونىم. العاش 2001 - جىلدىڭ تامىزىندا ۇشىرىلعان. سودان بەرى بۇل اپپاراتتار از ۇشقان جوق.
مامانداردىڭ پىكىرىنشە، اۋماقتى باقىلاعان كەزدە اپپارات ەكونوميكالىق جاعىنان دا ءتيىمدى. ماسەلەن، تىكۇشاقپەن ءبىر ساعات ۇشۋعا رەسەيلىك ەسەپپەن 320 مىڭ رۋبل جۇمسالسا، بۇل قارجىعا اتالمىش قوندىرعى 10 ساعاتقا دەيىن قالىقتاي الادى.
«مير ماسەل» ج ش س ديرەكتورى اباي رىسقالييەۆتىڭ ايتۋىنشا، قازاقستان ۇشقىشسىز اۆياتسيانى دامىتۋ جونىندە 2006 -جىلدان نيەت بىلدىرگەن. وتكەن جىلى قازاقستان مەن رەسەي ەلدەرى باسشىلارىنىڭ قاتىسۋىمەن اتىراۋدا وتكەن فورۋم بارىسىندا كەشەن مۇمكىندىكتەرى تانىستىرىلدى. بۇعان ەلىمىزدىڭ مۇناي ءوندىرۋشى كومپانيالارى قىزىعۋشىلىق ءبىلدىردى.
ءسويتىپ اپپاراتتى ەلىمىزدە شىعارۋعا جول اشىلىپ وتىر. وتكەن جىلدىڭ جەلتوقسانىندا «مير ماسەل» جشس مەن «ومەگا» پريبور جاساۋ زاۋىتى اراسىندا كاسىپورىن بازاسىندا اپپاراتتى قۇراستىرۋ باعىتىندا ىنتىماقتاستىق جونىندە مەموراندۋمعا قول قويىلىپ، سەرۆيستىك ورتالىق ۇيىمداستىرىلدى. كومپوزيتسيالىق ماتەريالدار مەن ەلەكترونيكا رەسەيدەن اكەلىنسە، قازاقستاندىقتار ونى قۇراستىرىپ، جينايدى.
جوبا بويىنشا باستاپقىدا جەرگىلىكتى ۇلەس 20-30 پايىز توڭىرەگىندە بولماق، ۋاقىت وتە بۇل كورسەتكىش ەسەلەنەدى. ماماندار دايارلاۋعا دا ەگوريەۆسك ازاماتتىق اۆياتسيا كوللەدجىمەن كەلىسىم جاسالدى. اپپاراتتىڭ، اسىرەسە، اۋىل شارۋاشىلىعى سالاسى، شەكارا قىزمەتىندە جانە توتەنشە جاعدايلاردىڭ الدىن الۋدا تيىمدىلىگى جوعارى. ءتىپتى ادام اياعى جەتە المايتىن جەرلەرگە دە اۋەدە قالىقتاپ بارا الادى.
ايتا كەتەيىك، ۇشقىشسىز اپپاراتتاردى سەريالى تۇردە ءوندىرۋ ءىسى رەسەي، ا ق ش جانە يزرايلدە جولعا قويىلعان. ءبارى ويداعىداي بولسا، قازاقستان مۇنداي اپپارات شىعاراتىن ءتورتىنشى ەل اتانباق.
اۆتور: ەلجان ەرالى
