جامبىل وبلىسىندا اۆتوبۋس ءىرى جول اپاتىنا ۇشىرادى

بۇل تۋرالى tengrinews.kz تىلشىسىنە «پريوزەرسك قالالىق ورتالىق اۋرۋحانا» ك م ق ك ماماندارى حابارلادى.

الدىن الا مالىمەتتەر بويىنشا، جول- كولىك وقيعاسى الماتى - ەكاتەرينبۋرگ تاس جولىنىڭ 395-شاقىرىمىندا، جامبىل وبلىسىنىڭ اۋماعىندا پريوزەرسكىگە جاقىن ماڭدا بولعان. استانادان شىمكەنتكە قاراي كەتىپ بارا جاتقان اۆتوبۋس كوكتايعاقتىڭ سالدارىنان جول شەتىندەگى جىراعا اۋدارىلىپ كەتكەن. الدىن الا مالىمەت بويىنشا، جول اپاتىنان 10 ادام قازا تاپتى.

توتەنشە جاعدايلار مينيسترلىگىنىڭ قىزمەتى ءىرى جول-كولىك وقيعاسىنان زارداپ شەككەن ءتورت ادامدى پريوزەرسك قالالىق اۋرۋحاناسىنا جەتكىزدى. ولاردىڭ ۇشەۋى - ەر ادام، اراسىندا قىرعىزستاننىڭ ءبىر ازاماتى بار جانە ءتورتىنشىسى جۇكتى ايەل. ءبىر ەر ادام مەن ايەل ءقازىر بالقاش اۋرۋحاناسىنا اۋىستىرىلدى.

تاعى ءبىر زارداپ شەككەن ادام تۋىستارىنىڭ وتىنىشىمەن ەم الۋ ءۇشىن الماتىعا جىبەرىلدى. قىرعىزستان ازاماتى اۋرۋحانادان شىعىپ، ەمحانادا ەمدەلەتىن بولدى. دارىگەرلەردىڭ مالىمەتىنشە، ولار ايەلدىڭ بالاسىن ساقتاپ قالا الدى.

ايتا كەتەيىك، پوليتسيا جامبىل وبلىسىندا اۆتوبۋستىڭ قاتىسۋىمەن بولعان ءىرى جول-كولىك وقيعاسىنا قاتىستى تۇسىنىكتى ازىرشە بەرگەن جوق.

ەسكە سالا كەتەيىك، جەلتوقسان ايىنىڭ سوڭىندا قاراعاندى مەن بالقاش ارالىعىنداعى تاس جولدا اۆتوبۋستىڭ قاتىسۋىمەن ءىرى جول- كولىك وقيعاسى بولعان ەدى. تاجىكستاننىڭ 58 ازاماتى وتىرعان رەيس اۆتوبۋسى جولدىڭ قارسى باعىتىنا شىعىپ كەتىپ، Mitsubishi Galant جەڭىل اۆتوكولىگىنە سوعىلدى. اۆتوبۋس جولاۋشىلارى زارداپ شەككەن جوق. ال جەڭىل كولىكتە بولعان بەس جولاۋشى ءارتۇرلى جاراقاتپەن اۋرۋحاناعا جەتكىزىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى