يراك تاياۋ ۋاقىتتا «يسلام مەملەكەتىنە» قارسى ءىرى قۇرلىقتىق وپەراتسيا وتكىزبەك
دەپ حابارلادى «ءال ارابيا» تەلەارناسى.
اراب تەلەارناسى «يسلام مەملەكەتىنە» قارسى حالىقارالىق كواليتسيانىڭ ا ق ش- تىق ۇيلەستىرۋشىسى دجون اللەننىڭ مالىمدەمەسىن كەلتىرەدى. «تاياۋ ۋاقىتتا يراك اسكەرىنىڭ ءىرى شابۋىلى جوسپارلانۋدا»، - دەدى جوعارى قىزمەتتەگى امەريكالىق وكىل.
بۇل رەتتە دج. اللەن قۇرلىقتىق ناۋقان حالىقارالىق كواليتسيانىڭ قۋاتتى شابۋىلىنا ۇلاساتىنىن ايتتى. سونداي- اق، امەريكالىق ديپلومات امەريكالىق قارۋدى جەتكىزۋدە جانە مايدان جەلىسىندە يراك اسكەرىن وقىتۋ بارىسىندا كىدىرىس ورىن العانى جونىندەگى ايىپتى جوققا شىعاردى.
«قۇراما شتاتتار ارىپتەستەرىنە جىلدام قولداۋ كورسەتۋ ءۇشىن قولدارىنان كەلگەنىن جاساۋدا»، - دەپ مالىمدەدى دج. اللەن.
ا ق ش يراك پەن سيريا اۋماعىنىڭ بولىگىن باسىپ العان ي م سودىرلارىنا قارسى اسكەري- اۋە وپەراتسياسىن باسقارادى. ا ق ش مەملەكەتتىك حاتشىسى دج. كەرري جۋىردا وتكەن ميۋنحەن قاۋىپسىزدىك كونفەرەنتسياسىندا سويلەگەن سوزىندە كواليتسيا 2014 -جىلعى تامىزدان باستاپ «يسلام مەملەكەتى» نىساندارىنا 2000 نان استام اۋە سوققىسىن جاساعانىن اتاپ ءوتتى. الدىن الا دەرەكتەر بويىنشا، اۋە سوققىسى سالدارىنان سودىرلار 200 گە تارتا مۇناي، گاز نىساندارىنان ايىرىلعان.
