فەدەرالدىق رەزەرۆتەر جۇيەسىنىڭ بۇرىنعى باسشىسى گرەكيانىڭ ەۋروايماقتان شىعۋى شاراسىزدىق ەكەنىن مالىمدەدى

گرينسپەننىڭ ايتۋىنشا، گرەكيانىڭ سولشىل ۇكىمەتىنىڭ قارىزداردى تولەۋ شارتتارىن قاراۋعا تىرىساتىن باسقا جولى جوق. «مەن گرەكيانىڭ ەۋرو ايماعىنا قاتىسۋى كومەكتەسەتىنىن كورىپ وتىرعان جوقپىن جانە، ارينە، مەن باسقا ەۋرو ەلدەرىنە ءتيىمدى بولاتىنىن دا كورىپ وتىرعان جوقپىن»، دەپ اتاپ كورسەتتى ول جانە قازىر «ءبولىنۋ - ەڭ دۇرىس ستراتەگيا» دەگەندى ايتتى.

سونىمەن قاتار فەدەرالدىق رەزەرۆتەر جۇيەسىنىڭ بۇرىنعى ءتوراعاسى گرەكيانىڭ ۆاليۋتالىق وداقتان شىعۋى ەۋروپانىڭ قارجى نارىقتارىندا تۇراقسىزدىق تۋىنداتاتىنىن ەسكەرتتى.

25- قاڭتاردا وتكەن سايلاۋدا جەڭىسكە جەتكەن سيريزا گرەك پارتياسى داعدارىس ۋشىعىپ تۇرعان كەزدە «نەسيەشىلەر ۇشتىگى» (ەۋروكوميسسيا، ەۋروپالىق ورتالىق بانك، ح ۆ ق) ەلگە بەرگەن 320 ميلليارد گرەك قارىزىن قايتا قۇرىلىمداۋدى نەمەسە ەسەپتەن شىعارۋدى تالاپ ەتتى.

ە و جانە ەۋروپالىق ورتالىق بانك گرەكيا قارىزىن ەسەپتەن شىعارۋعا نەمەسە قايتا قۇرىلىمداۋعا قاتىسپايتىندىقتارىن مالىمدەدى. گەرمانيا كانتسلەرى انگەلا مەركەل دە گرەكيا بەرەشەگىن ەسەپتەن شىعارۋ مۇمكىندىگى جوق ەكەنىن العا تارتتى. وسىعان بايلانىستى تالداماشىلار گرەكيا دەفولتقا ۇشىراپ، ەۋرو ايماقتان شىعۋى جانە ۇلتتىق ۆاليۋتاعا ورالۋى مۇمكىن دەگەن پىكىر ايتادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى