ادامزاتتىڭ وزدەرىنىڭ ءومىر ءسۇرىپ جاتقانى تۋرالى سىرتقى الەمگە حابارلاۋى وتە قاۋىپتى بولۋى مۇمكىن
جەكسەنبى كۇنى الەمدىك ب ا ق- تا ونىڭ وكىلدەرى ادامزات ومىرىمەن سالىستىرۋعا بولاتىن عارىشتىق نىساندارعا ارنايى ەلەكتروندى بايلانىس ورناتۋدى كوزدەيتىن باعدارلاما تاياۋ ۋاقىتتا تۇپكىلىكتى بەكىتىلمەك، دەپ حابارلادى.
ولاردىڭ ايتۋىنشا، جەردەن 20 جارىق جىلىنا دەيىنگى نەمەسە 190 ترليون شاقىرىم قاشىقتىقتاعى ىزدەۋ ايماعى بەلگىلەندى.
«مەن عارىشتا كوپتەگەن وركەنيەتتەر بار ەكەنىن جوققا شىعارمايمىن، الايدا ولاردىڭ بىردە- ءبىرى سىرتقى الەمگە وزدەرىنىڭ ءومىر ءسۇرىپ جاتقانى تۋرالى حابار بەرمەسە، وندا ەشكىم دە ولاردى ەشۋاقىتتا ەستي المايدى»، - دەپ مالىمدەدى زەرتتەۋ ورتالىعى باسشىلارىنىڭ ءبىرى دەۆيد بلەك. ول ازىرگە جەردەن جىبەرىلەتىن جولداۋدىڭ مازمۇنىن تاڭداۋ ءجۇرىپ جاتىرعانىن ايتتى.
1984 - جىلى قۇرىلعان SETI ينستيتۋتى تاباندى، ءبىراق تا ازىرگە ناتيجەسىز جەردەن تىس وركەنيەتتەردى ىزدەستىرۋدە. سوڭعى 30 جىل بويى ونىڭ ماماندارى راديونىڭ جانە وپتيكالىق تەلەسكوپتىڭ كومەگىمەن عارىشتان باسقا وركەنيەتتەردەن كەلىپ تۇسەتىن دابىلداردى تابۋعا تىرىسۋدا.
قازىر ولار وزدەرىنىڭ قىزمەت سالاسىن كەڭەيتە وتىرىپ، اشىق عارىشقا ءبىزدىڭ ءومىر ءسۇرىپ جاتقانىمىز تۋرالى سيگنال جىبەرۋدى باستاۋعا شەشىم قابىلدادى.
دەگەنمەن كەيبىر عالىمدار مۇنداي جوبالارعا قاتىستى وزدەرىنىڭ قارسىلىعىن ءبىلدىردى. مىسالعا بريتاندىق ستيۆەن حوكينگ ادامزاتتىڭ وزدەرىنىڭ ءومىر ءسۇرىپ جاتقانى تۋرالى سىرتقى الەمگە حابارلاۋى «وتە قاۋىپتى» دەپ ءمالىم ەتتى.
«ەگەر باسقا عالامشار وكىلدەرى بىزگە كەلەتىن بولسا، وندا كولۋمب كورابلدەرى جەتكەننەن كەيىنگى امەريكانىڭ جەرگىلىكتى تۇرعىندارىمەن بولعان كەپ قايتالانادى»، - دەدى ول. حوكينگ جەردەن تىس وركەنيەتتەر بار ەكەنىنە سەنىمدى. ولاردىڭ ءبىرقاتارى جەردەگىلەرگە قاراعاندا اناعۇرلىم جوعارى تەحنولوگيالىق دەڭگەيدە دەپ سانايدى ول.
