قازاقستاننىڭ ءۇش بىردەي تەننيسشىسى تايلاندتا وتەتىن حالىقارالىق تۋرنيرگە قاتىسادى

چەمپيونات. كوم سايتىنان الىنعان مالىمەتكە قاراعاندا، قازاقستاننىڭ ءبىرىنشى، وسى تۋرنيردىڭ ءۇشىنشى راكەتكاسى زارينا دياس العاشقى اينالىمدا سلوۆاكيالىق دانيەلا گانتۋحوۆامەن كۇش سىناسادى. بيىل زارينا اۆستراليانىڭ حوبارت قالاسىندا وتكەن جارىستا دانيەلانى 7:5, 6:1 ەسەبىمەن ۇتقان بولاتىن.

ەلىمىزدىڭ ەكىنشى، پاتتايا تۋرنيرىنىڭ بەسىنشى ويىنشىسى ياروسلاۆا شۆەدوۆا يزرايل ەلىنىڭ وكىلى شاحار پەەرمەن شەبەرلىك بايقاسادى. ەگەر قازاقستاندىق تەننيسشىلەر الداعى ماتچتارىن ءساتتى وتكىزسە، شيرەك فينالدا ءوزارا كەزدەسەدى.

قازاقستاننىڭ تاعى ءبىر تەننيسشىسى يۋليا پۋتينتسيەۆا بۇرىنعى وتانداسى، رەسەيلىك ەۆگەنيا رودينامەن كورتقا شىعادى.

پاتتايا تۋرنيرىنىڭ جۇلدە قورى - 250 مىڭ ا ق ش دوللارى. وعان قىتايلىق، اۆستراليا اشىق چەمپيوناتىندا ي. شۆەدوۆانىڭ جولىن كەسكەن پەن شۋاي، ۋكراينالىق ەلينا سۆيتولينا، كەزىندە مىقتىلاردىڭ قاتارىندا جۇرگەن رەسەيلىك ۆەرا زۆوناريەۆالار قاتىسىپ، باق سىنايدى.

ايتا كەتەيىك، وتكەن اپتادا قازاقستاننىڭ تەننيستەن ايەلدەر قۇراماسى ازيالىق كوماندالار اراسىندا فەدەراتسيا كۋبوگىنىڭ فينالىنا دەيىن جەتىپ، وندا جاپونيالىقتارعا ەسە جىبەرگەن بولاتىن. وندا ز. دياس، ي. شۆەدوۆا، ي. پۋتينتسيەۆانىڭ ۇشەۋى دە ونەر كورسەتكەنى بەلگىلى.

اۆتور: ەلجان ەرالى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى