بەيجىڭدە زاڭسىز جەراستى بولمەلەرىن انىقتاۋ ءۇشىن رادار قولدانىلادى
بەيجىڭدە زاڭسىز جەراستى قۇرىلىستارى پروبلەماسى اسىرەسە قاڭتار ايىنىڭ سوڭىندا ەرەكشە وتكىر قويىلدى. ويتكەنى استانانىڭ سيچەن اۋدانى تۇرعىندارىنىڭ ءبىرى وكىمەت ورىندارىنىڭ رۇقساتىنسىز ءوز ءۇيىنىڭ اۋلاسىندا تەرەڭدىگى 18 مەترلىك ۇرا قازعان، بۇل ءتورت كورشى ءۇيدىڭ وپىرىلۋىنا جانە وعان جالعاس جاتقان جولدىڭ بويىندا ۇلكەن قازان شۇڭقىردىڭ پايدا بولۋىنا اكەپ سوقتى.
ب ا ق ءۇي يەسىنىڭ كىم ەكەنىن جاريالاعاننان كەيىن جانجال جۇرتشىلىقتىڭ نازارىن اۋداردى. ول شىعىس- قىتايلىق جياڭسۋ پروۆينتسياسىنداعى سىچۋان قالاسىنىڭ زاڭ شىعارۋشىسى، حالىق وكىلدەرى قالالىق جينالىسىنىڭ مۇشەسى لي باو شۋن بولىپ شىقتى.
وسى وقيعادان كەيىن قالا وكىمەت ورىندارى زاڭسىز جەراستى بولمەلەرىن انىقتاۋ ءۇشىن ارنايى توپ قۇردى. ينسپەكتسيالىق توپ قۇرامىنداعى تەحنيك راداردىڭ كومەگىمەن جەراستى بولمەلەرىنىڭ تەرەڭدىگىن، ولاردىڭ شامامەن العانداعى اۋداندارىن جانە ورنالاسۋىن انىقتاي الادى. ەگەر رادار مالىمەتتەرى راستالسا، ءۇي يەسى ءتيىستى بەلگىلەنگەن مەرزىم ىشىندە جەراستى قۋىستارىن بەتونمەن نەمەسە باسقالاي ماتەريالدارمەن تولتىرىپ، زاڭسىز جەراستى بولمەسىن جويۋى ءتيىس.
