قوستانايدا پوليتسيا قىزمەتكەرى جالعان قىلمىستىق ءىستى ۇيىمداستىرعانى ءۇشىن سوتتالدى
«قوستاناي قالالىق ءى ءى د پرەزيدەنتتى كۇزەتۋ قىزمەتىندەگى كريمينالدىق پوليتسيا ءبولىمىنىڭ جەدەل وكىلەتتى قىزمەتكەرى (پوليتسيانىڭ اعا لەيتەنانتى) ي ەسىمدى ازاماتشانىڭ ەسىرتكىگە تاۋەلدىلىگىن پايدالانا وتىرىپ، اقشا نەمەسە ەسىرتكى تۇرىندەگى سىياقى بەرەتىنىن ايتىپ، «وزگەنىڭ مۇلكىن ۇرلاۋ تۋرالى قىلمىستى ويدان شىعارىپ، شاعىمدانۋى كەرەكتىگى جايلى» ۇسىنىس جاساعان.
ايەل «جابىرلەنۋشى» تۇلعالاردى، «جوعالعان» زاتتاردى - قىلمىس نىساندارىن تاۋىپ بەرۋى ءتيىس بولعان. كەيىننەن قىلمىستىق تەرگەۋدى ەكى جاقتىڭ ءوزارا تاتۋلاسۋىنا بايلانىستى توقتاتۋ جوسپارلانىپ قويعان»، - دەپ حابارلايدى 2№ قالالىق سوتىنىڭ باسپا ءسوز قىزمەتىنەن.
ۇستالعان ازامات سوت ۇكىمىمەن ق ر ق ك- ءنىڭ 308- بابى، 4- ءبولىمىنىڭ «ب» تارماقشاسى، 348- بابىنىڭ 2- بولىمىمەن (قىزمەت بابىن اسىرا پايدالانۋ...) قاراستىرىلعان قىلمىستى جاسادى دەپ ايىپتالدى. وعان 3 جىلعا سىناق مەرزىمىمەن قىلمىستىق جازا تاعايىندالدى. ونىمەن بىرگە، ول مەملەكەتتىك قىزمەتكە جانە قۇقىق قورعاۋ ورگاندارىندا 3 جىلعا دەيىن قىزمەتكە ورنالاسۋ قۇقىعىنان ايىرىلعان. ق ر ق ك- ءنىڭ 50-بابىنا سايكەس، پوليتسيانىڭ اعا لەيتەنانتى ارنايى اتاعىنان ايىرىلدى. سوت ۇكىمى زاڭدى كۇشىنە ەنگەن جوق.
