ءبىز قازاقستاندا ءومىر ءسۇرىپ جاتقانىمىزدى ماقتان ەتەمىز
بۇل تۋرالى قازاقستان حالقى اسسامبلەياسى جىلىنىڭ سالتاناتتى اشىلۋى اياسىندا رەسپۋبليكالىق «ەگەمەن قازاقستان» گازەتىنە بەرگەن سۇحباتىندا استانا قالاسىنداعى «وبەرەگ» ۋكراين ەتنومادەني بىرلەستىگىنىڭ جەتەكشىسى تامارا شيرمەر ايتتى.
«قازاقستان حالقى اسسامبلەياسىنىڭ جۇمىسىن قالاي ايتساڭ دا جاراسادى. ونىڭ اياسىندا «وبەرەگ» ۋكراين ەتنومادەني بىرلەستىگى دە كوپتەگەن يگى ىستەردىڭ ۇيىتقىسى بولىپ ءجۇر. ءبىز ءتۇرلى مادەني-رۋحاني، قايىرىمدىلىق شارالارىن وتكىزۋدە ەشكىمنەن كەندە قالعان ەمەسپىز. مۇنىڭ ءبارى قازاقستاننىڭ دامۋىنا، العا جىلجۋىنا از دا بولسا ءوز ۇلەسىمىزدى قوسساق دەگەن ىستىق ىقىلاستان تۋىندايتىنىن ايتقىم كەلەدى.
ءبىز بىرلىگى مىعىم، حالقىنىڭ تۇرمىسى جاقسى، بەيبىتشىلىكتى تۋ ەتكەن وتانىمىز - قازاقستاندا ءومىر ءسۇرىپ جاتقانىمىزدى ماقتان ەتەمىز. پرەزيدەنت نۇرسۇلتان نازاربايەۆقا، قازاق حالقىنا العىسىمىز شەكسىز. وسىنداي مەملەكەتتىڭ ازاماتى بولۋ - ءبىز ءۇشىن تاعدىردىڭ سىيى.
قازاقستان حالقى اسسامبلەياسىنىڭ الەۋەتى ارتا بەرسىن. ىنتىماق ءۇشىن، بىرلىك ءۇشىن جاسالعان ءاربىر قادامىمىز جەمىستى بولعاي! قىسقاسى، بىرلىك، تاتۋلىق - قاسيەتتى ۇعىمدار. ونى قاستەرلەي ءبىلۋىمىز كەرەك. قازاق «بىرلىك، بىرلىك ءتۇبى - تىرلىك» دەپ تەگىننەن-تەگىن ايتپاعان. مۇنى ۇققان - ىرىلىك»، - دەدى ت. شيرمەر.
