اسكەري قىزمەتشى قىزدار «باتىر ارۋلار» بايقاۋىنا قاتىسۋعا تىلەكتەرىن ءبىلدىردى - فوتو
بۇل تۋرالى ق ر قورعانىس مينيسترلىگىنىڭ باسپا ءسوز قىزمەتىنەن حابارلادى.
وسى ورايدا، اتالعان سايىسقا قاتىسۋعا نيەت بىلدىرگەن 55765 اسكەري ءبولىمى فەلدەگەرلىك پوشتا بايلانىسى قىزمەتىنىڭ اسكەري قىزمەتشىسى قاتارداعى جاۋىنگەر ايداي ۇسەنوۆا بايقاۋ قارساڭىنداعى ءوز ويلارىمەن ءبولىستى.
«وسىنداي بايقاۋ قر قارۋلى كۇشتەرىندە تۇڭعىش رەت ءوتىپ جاتىر. سوندىقتان دا اتالعان سايىسقا قاتىسۋ مەن ءۇشىن جانە مەنىڭ ارىپتەستەرىم ءۇشىن قىزىقتى دەپ سانايمىن.
ارينە، مەنىڭ دە 12 ۇزدىك قاتىسۋشىنىڭ قاتارىندا بولعىم كەلەدى. الايدا «باتىر ارۋلار» بايقاۋىنا قاتىسقانىمنىڭ ءوزى جەتىستىك رەتىندە كوپكە دەيىن كوكەيىمدە جۇرەدى»، - دەيدى ايداي. ساۋالناما- وتىنىمدەر 2015 - جىلدىڭ 10 - اقپانىنا دەيىن قابىلدانادى.
جيناقتالعان بايقاۋعا قاتىسۋشىلاردىڭ سۋرەتتەرى مەن جەكە ساۋالنامالىق مالىمەتتەرى ق ر قورعانىس مينيسترلىگىنىڭ رەسمي سايتىندا جاريالانادى. ينتەرنەت ارقىلى داۋىس بەرۋدىڭ باستالعانى تۋرالى رەسمي حابارلانعاننان كەيىن ازاماتتار ءوز داۋىسىن ۇناعان قاتىسۋشىعا بەرە الادى.
قورىتىندىسىندا ەڭ كوپ داۋىس جيناعان 12 قاتىسۋشى انىقتالىپ، ىرىكتەلەدى. جەڭىمپازداردىڭ قاتىسۋىمەن كاسىبي فوتوسەسسيا ۇيىمداستىرىلىپ، فوتولار 2015-2016 - جىلدارعا ارنالعان ارنايى كۇنتىزبەگە باسىلىپ شىعارىلادى. ال كۇنتىزبەلەر ءوز كەزەگىندە ق ر ق ك اسكەري بولىمدەرى مەن بولىمشەلەرىنە تاراتىلاتىن بولادى.
