ءبىرقاتار وڭىردە ەت ونىمدەرى ارزاندادى
«قازاگروماركەتينگ» ا ق 2015 - جىلدىڭ 27 - قاڭتارى مەن 3 - اقپانى ارالىعىندا ەل ايماقتارى بويىنشا ازىق-تۇلىكتىڭ بولشەك ساۋداداعى باعالارىنا مونيتورينگ جۇرگىزدى.
«اتىراۋ قالاسىندا ەت ونىمدەرى باعاسىنىڭ تومەندەۋى بايقالدى: سيىر ەتى 16 پايىزعا - كەلىسى 1073-تەن 900 تەڭگەگە دەيىن؛ قوي ەتى 11 پايىزعا - كەلىسى 1127-تەن 1000 تەڭگەگە دەيىن؛ جىلقى ەتى 20 پايىزعا - كەلىسى 1250 دەن 1000 تەڭگەگە دەيىن؛ تاۋىقتىڭ سان ەتى 16 پايىزعا - كەلىسى 540 تان 452 تەڭگەگەگە دەيىن؛ پىسىرىلگەن شۇجىق 27 پايىزعا - كەلىسى 846 دان 599 تەڭگەگە دەيىن ارزاندادى.
بۇل - اتىراۋ نارىعىنىڭ رەسەي فەدەراتسياسىنان اكەلىنگەن ونىممەن قانىعۋىنا جانە كوتەرمە باعالاردىڭ ارزانداۋىنا بايلانىستى قالىپتاسقان جاعداي»، - دەپ حابارلادى «قازاگروماركەتينگ» وكىلدەرى.
سونىمەن بىرگە، وسكەمەندەگى بازارلاردا ارزان يمپورت ءونىمنىڭ پايدا بولۋىنا بايلانىستى قالادا تاۋىقتىڭ سان ەتى 11 پايىزعا ارزاندادى. قوستانايدا نارىقتا ءونىم مولشەرىنىڭ ۇلعايۋى مەن ءبىر اپتا ىشىندە كوتەرمە باعالاردىڭ 6 پايىزعا - 1 كەلىسى 433 تەن 405 تەڭگەگە دەيىن تومەندەۋى تاۋىقتىڭ سان ەتىنىڭ 10 پايىزعا - 470 تەن 425 تەڭگەگە دەيىن ارزانداۋىنا اكەلدى.
قاراستىرىلىپ وتىرعان ۋاقىت ارالىعىندا رەسەي فەدەراتسياسىنان ءونىمنىڭ مول اكەلىنۋىنە بايلانىستى اتىراۋدا كۇرىشتىڭ 1 كەلىسىنىڭ باعاسى 20 تەڭگەگە (180 تەڭگە)، ارپا جارماسىنىڭ كەلىسى 11 تەڭگەگە (86 تەڭگە)، ماكارون ونىمدەرى كەلىسىنىڭ قۇنى 21 تەڭگەگە (120 تەڭگە) تومەندەدى.
وڭىرلەردە جەمىس- جيدەك پەن كوكونىستىڭ كەيبىر تۇرلەرىنىڭ قىمباتتاعانى دا بايقالىپ وتىر. اتىراۋدا قىزاناقتىڭ كەلىسىنىڭ باعاسى 339 دان 397 تەڭگەگە، قياردىڭ كەلىسى 317 دەن 365 تەڭگەگە قىمباتتادى. قىرىققاباتتىڭ كەلىسى اتىراۋدا 83 تەن 92 تەڭگەگە، وسكەمەندە 87 دەن 99 تەڭگەگە قىمباتتادى. بۇعان ساۋداداعى ءونىم مولشەرىنىڭ ازايۋى مەن ساتۋشىلاردىڭ كوتەرمە باعانى ارتتىرۋى سەبەپ بولدى.
استانادا مانداريندەر بىردەن 22 پايىزعا - كەلىسى 365 تەن 444 تەڭگەگە قىمباتتادى. «بۇعان ساتىلىمداعى ءونىم اسسورتيمەنتىنىڭ ۇلعايۋى (قىمبات ماروككو مانداريندەرىنىڭ پايدا بولۋى) جانە ءبىر اپتا ىشىندە كوتەرمە باعالاردىڭ 33 پايىزعا - كەلىسىنىڭ 300-دەن 400 تەڭگەگە دەيىن قىمباتتاۋى اسەر ەتتى»، - دەيدى ماماندار.
وسكەمەندە بايالدى باعاسى 15 پايىزعا - كەلىسى 533 تەن 615 تەڭگەگە دەيىن قىمباتتادى. ءونىم باعاسىنىڭ قىمباتتاۋىنا باعالاردى تىركەۋ كۇنى كوتەرمە بازاردا ءونىمنىڭ بولماۋى اسەر ەتتى.
