يران قازاقستانمەن ۆيزاسىز رەجيمدى ەنگىزۋگە دايىن
بۇل تۋرالى جۇما كۇنى Trend-كە يراننىڭ قازاقستانداعى ەلشىسى مودجتابا داميرچيلۋ حابارلادى.
«يراننىڭ ءبىرقاتار كورشىلەس ەلدەرمەن ۆيزاسىز رەجيمى بار. ءبىز ەكى ەل (يران مەن قازاقستان) ازاماتتارىنىڭ شەكارا ارقىلى قوزعالىسىن جەڭىلدەتۋ ءۇشىن ۆيزاسىز رەجيمدى ەنگىزۋ ماسەلەسىن قاراستىرا الامىز»، - دەدى مودجتابا داميرچيلۋ.
ونىڭ ايتۋىنشا، ازىرشە ۆيزاسىز رەجيمدى جەڭىلدەتۋ جانە يراندىق ينۆەستورلار ءۇشىن قازاقستاندىق ۆيزانى الۋ مەرزىمدەرىن قىسقارتۋ ماسەلەسى تالقىلانۋدا.
«مىسالى، قازاقستانعا كەلۋ نيەتىن بىلدىرگەن يران كاسىپكەرىنىڭ قازاقستاندىق ۆيزانى الۋ ءۇشىن ءبىر ايداي ۋاقىتى كەتەدى. بيزنەس ءۇشىن ۋاقىت اقشا ەكەنى بەلگىلى. جانە وسىنداي مەرزىمدى، ارينە، قىسقارتقىمىز كەلەدى»، - دەدى يران ديپلوماتى.
ونىڭ ايتۋىنشا، ۆيزالىق رەجيمدى جەڭىلدەتۋ - ەكى ەل اراسىنداعى تاۋار اينالىمىنىڭ ءوسىرۋ جانە ىنتىماقتاستىقتى جانداندىرۋ جولدارىنىڭ ءبىرى عانا.
يران ەلشىسى قازاقستان- تۇرىكمەنستان- يران تەمىرجولى ارقىلى تۇراقتى تاسىمالداۋلاردىڭ اشىلۋى تاۋاراينالىمىنىڭ وسۋىنە سەپگىنى تيگىزەتىنىن ەسكە سالدى.
«مىسالى، يراننىڭ ءبىز جىل بويى وسىرەتىن كوكونىستەر مەن جەمىستەر، گۇلدەردى قازاقستانعا جەتكىزۋ مۇمكىندىگى بار. بۇل ءۇشىن بىزدە توڭازىتقىش كامەرالارىمەن جابدىقتالعان ۆاگوندار بار. الايدا بۇل تاۋارلاردىڭ جەتكىزىلىمىن رەتكە كەلتىرۋ ءۇشىن بىزگە ۆەتەرينارلىق نورمالار، سەرتيفيكاتتارعا قاتىستى قۇجاتتاردى كەلىسۋ قاجەت. ءبىر سوزبەن ايتقاندا، بارلىعى ۇيلەسىمدى بولۋى ءتيىس»، - دەدى ەلشى.
ونىڭ ايتۋىنشا، 2014 - جىلدىڭ ءبىرىنشى جارتى جىلدىعىنداعى ەكى ەل اراسىنداعى تاۋار اينالىمىنىڭ كولەمى 510 ميلليون دوللاردى قۇرادى.
