استانا ارلاندارى العاش رەت قاراعاندى تورىندە شارشى الاڭعا شىعادى

وليمپيادا جەڭىمپازى، «استانا ارلاندارىنىڭ» باس ديرەكتورى بوكس جانكۇيەرلەرىن قاراعاندى قالاسىنا شاقىرىپ وتىر.

بۇكىل الەمدىك بوكس سەرياسىنىڭ (WSB)  «ب» توبىندا كوش باستاپ كەلە جاتقان «استانا ارلاندارى» 8 - اقپان كۇنى «ا ق ش نوكاۋتشىلارى» كومانداسىمەن كەزدەسەدى. امەريكا بىلعارى قولعاپ شەبەرلەرى دە بۇعان دەيىنگى كەزدەسۋلەرىندە جەڭىسكە جەتىپ كەلگەن. سوندىقتان ەكى كوماندا اراسىندا تارتىستى جەكپە-جەكتەر بولادى دەپ كۇتىلۋدە.

قوس كوماندانىڭ كەزدەسۋى سەرىك ساپيەۆ اتىنداعى بوكس ورتالىعىندا وتەدى.

قازىردىڭ وزىندە قوس كوماندا اراسىنداعى كەزدەسۋگە بارلىق بيلەتتەر ساتىلىپ كەتكەن كورىنەدى. بۇل «استانا ارلاندارىنا» قاراعاندىلىق جانكۇيەرلەردىڭ ىقىلاسى ەرەكشە ەكەنىن كورسەتەدى.

قاراعاندى قالاسىندا بولاتىن بوكس كەشى ەرتەڭ «حابار» تەلەارناسىندا تىكەلەي ەفيردە كورسەتىلەدى. باستالۋى استانا ۋاقىتىمەن 17 ساعات 55 مينۋت.

8 - اقپان كۇنى شارشى الاڭعا شىعاتىن بوكسشىلاردىڭ جۇبى:

 52 كەلىدە ميراس جاقىپوۆ - برەنت ريچارد ۆەنەگاس

 60 كەلىدە ەرجان مۇسافيروۆ - ماليەك دوننەل مونتگومەري

 69 كەلىدە اسلانبەك شىمبەرگەنوۆ - برايان تسەباللو

 81 كەلىدە حرۆوە سەپ - ستيۆ نەلسون

 +91 كەلىدە فيليپ حرگوۆيچ - برەندون گلەنتون.

اۆتور: ايدىن بايمەن

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى