برازيليا بيلىگى الەمگە ايگىلى كارناۆال شەرۋىن وتكىزۋدەن باس تارتىپ وتىر

اراراس قالاسىنداعى سامبو مەكتەبىندە جىلدىڭ باستى وقيعاسىنا دايىندىق جۇمىستارى توقتاپ تۇر. ءبىلىم مەكەمەسىنىڭ ديرەكتورى جەرگىلىكتى بيلىكتىڭ مۇنداي شەشىمىنە ءۇزىلدى-كەسىلدى قارسى.

«ەكى-ءۇش ساعاتتىق كارناۆال شەرۋى قالانى اۋىز سۋمەن قامتاماسىز ەتۋ ماسەلەسىنە قانداي دا ءبىر اسەرىن تيگىزەدى دەپ ويلامايمىن. مەنىڭشە بۇل مۇلدە اقىلعا قونىمسىز شارا. كارناۆال برازيليانىڭ الەمدىك اتاعى ەكەنىن بيلىكتەگىلەر تۇسىنبەي وتىر»، - دەيدى سامبو مەكتەبىنىڭ ديرەكتورى پەپە كاراكوسسا.

«ءبىز قالاعا تۋريستەر كەلمەۋى ءۇشىن كوشە كارناۆالىن وتكىزبەۋ تۋرالى شەشىم قابىلدادىق. ەشقانداي «شۋ» بولمايدى، بارلىعى تىنىش بولادى. ءبىزدىڭ كەڭ اۋقىمدى ءىس-شارا وتكىزۋگە مۇمكىندىگىمىز جوق. وعان سەبەپ بولىپ وتىرعانداردىڭ ءبىرى - سۋدىڭ جەتىسپەۋشىلىگى»، - دەيدى اراراس مادەنيەت دەپارتامەنتىنىڭ باسشىسى مارسەللو دانيەل.

بيىل ەلدەگى قۋاڭشىلىقتان برازيليانىڭ بىرنەشە ءىرى قالاسى زارداپ شەگىپ وتىر. ماسەلە تەك ىشەتىن، جۋىنىپ- شايىناتىن سۋدىڭ بولماۋىندا عانا ەمەس، ەلدەگى ەلەكتر ەنەرگياسىنىڭ 80 پايىزى وزەندەردە سالىنعان گيدروستانتسيالاردا وندىرىلەدى. ال قۇرعاقشىلىقتان بيىل وزەن سۋى دا ەداۋىر تارتىلىپ قالدى.

الەمدىك نارىقتا مۇناي باعاسىنىڭ قۇلدىراۋى دا برازيليا ەكونوميكاسىنا كەرى اسەرىن تيگىزۋدە.

BNews.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى