الەمدەگى ەڭ قارت پرەزيدەنت مىنبەردەن قۇلاپ قالدى - كەسكىن

بۇل تۋرالى رەيتەرس اگەنتتىگىنە سىلتەمە جاساپ استانا ارناسى حابارلايدى.

وقىس وقيعا جەرگىلىكتى اۋەجايلاردىڭ بىرىندە پرەزيدەنتتىڭ جاقتاۋشىلارىمەن كەزدەسۋىندە بولعان. زيمبابۆە ليدەرىنىڭ حال-جاعدايى تۋرالى اقپار ءالى جوق.

بەلگىلى بولعانداي، پرەزيدەنتتىڭ ابايسىز قيمىلىنان كەيىن ونى كۇزەت قىزمەتكەرلەرى كوتەرىپ، ليمۋزينگە وتىرعىزعان. مۋگابەنىڭ «ساتىعا شالىنعان» ءساتىن ءبىرقاتار بۇقارالىق اقپارات قۇرالدارىنىڭ فوتو تىلشىلەرى ءتۇسىرىپ ۇلگەرگەن.

الايدا پرەزيدەنتتىڭ قاۋىپسىزدىك قىزمەتى وكىلدەرى سۋرەتتەردى ءوشىرتىپتى.

ايتا كەتسەك، روبەرت مۋگابەنىڭ جاسى 90 دا. ول الەمدەگى ەڭ قارتامىس پرەزيدەنت. اتاپ وتەرلىگى، ول وتكەن جىلدىڭ جەلتوقسانىندا ەلدىڭ «زانۋ- پف» پارتياسىنىڭ جەتەكشىسى بولىپ تاعايىندالىپ، 2018 - جىلعى پرەزيدەنتتىك سايلاۋدا ءوز كانديداتۋراسىن ۇسىنۋ قۇقىعىنا يە بولدى.

Nur.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى