استانادا قازاقستان حالقى اسسامبلەياسى جىلى سالتاناتتى تۇردە اشىلدى - فوتو
سالتاناتتى شاراعا ق ر مەملەكەتتىك حاتشىسى گۇلشارا ءابدىقالىقوۆا، ق ر پرەزيدەنتى اكىمشىلىگى باسشىسىنىڭ ورىنباسارى باعلان مايلىبايەۆ، استانا قالاسىنىڭ اكىمى ادىلبەك جاقسىبەكوۆ، اقمولا وبلىسىنىڭ اكىمى سەرگەي كۋلاگين، ق ح ا ءتوراعاسىنىڭ ورىنباسارى - حاتشىلىق مەڭگەرۋشىسى ەرالى توعجانوۆ، ق ر پارلامەنتى دەپۋتاتتارى، ق ح ا مۇشەلەرى، تانىمال قوعام قايراتكەرلەرى، عىلىمي، شىعارماشىلىق زيالىلار قاۋىمى، ەتنومادەني بىرلەستىكتەر، ۇكىمەتتىك ەمەس ۇيىمدار، مەملەكەتتىك ۇيىمدار وكىلدەرى، وليمپيادا چەمپيوندارى جانە جاستار قاتىسۋدا.
ءىس- شارا بەيبىتشىلىك جانە كەلىسىم سارايى الدىنداعى الاڭدا قازاقستان حالقى اسسامبلەياسى جىلىنىڭ تۋىن كوتەرۋ راسىمىمەن جانە «جاستار قوعامدىق كەلىسىمدى قولدايدى» اتتى فلەش- موب وتكىزۋمەن باستالدى. وسىدان كەيىن ەتنومادەني بىرلەستىكتەردىڭ قولونەر شەبەرلەرىنىڭ قولىنان شىققان قولدانبالى ونەر بۇيىمدارىنىڭ كورمەسى ۇيىمداستىرىلدى.
سونداي- اق، «ق ح ا - 20 ىزگى ءىس» اتتى ەستافەتانىڭ سيمۆولى تۇركىستان قالاسىنان اكەلىنگەن قاسيەتتى «تايقازان» استانا قالاسىنىڭ اكىمىنە تابىس ەتىلدى. ەندى ول ەلىمىزدىڭ بارلىق وڭىرلەرىن ارالاپ، ق ح ХХІІ سەسسياسىنىڭ اشىلۋى قارساڭىندا ىزگى ىستەرگە «تولتىرىلىپ»، استاناعا قايتا ورالادى. ءوز كەزەگىندە ءا. جاقسىبەكوۆ قاسيەتتى تايقازاندى اقمولا وبلىسىنىڭ اكىمى س. كۋلاگينگە تابىس ەتتى.
اۆتور: ءابۋ-اسقار مەكەش ۇلى
