كورەيلەر قازاق حالقىنىڭ جاقسىلىعىن ەش ۋاقىتتا ۇمىتپايدى - ا. كيم

بۇل تۋرالى جاڭگىر حان اتىنداعى باتىس قازاقستان اگرارلىق-تەحنيكالىق ۋنيۆەرسيتەتىنىڭ ەكونوميكا جانە بيزنەس فاكۋلتەتىندە ستۋدەنت جاستارمەن وتكەن كەزدەسۋدە ب ق و كورەيلەرى قوعامدىق بىرلەستىگى ءتوراعاسىنىڭ ءبىرىنشى ورىنباسارى اناتولي كيم ءمالىم ەتتى.

ا. كيمنىڭ ايتۋىنشا، مۇنىڭ سىرى مىنادا. 1937 - جىلى توتاليتارلىق ءتارتىپتىڭ قۇرساۋىنا العاشقىلاردىڭ ءبىرى بولىپ قيىرشىعىستىق كورەيلەر ىلىكتى.

سول جىلدىڭ تامىز-قىركۇيەك ايلارىندا كۇشتەپ قونىستاندىرۋ تۋرالى قۇجاتتارعا قول قويىلعانى تاريحتان بەلگىلى. 124 ەشەلونعا تيەلگەن ەكى ءجۇز مىڭداي حالىق ساناۋلى كۇندەردىڭ ىشىندە ءوز ەلىنەن جىراققا اتتاندىرىلدى.

سول العاشقى ەشەلوندارمەن بىرگە قازاقستانداعى كورەيلەردىڭ تاريحى باستالدى. ال اق جايىقتاعى كورەيلەردىڭ تاريحى 1937 - جىلدىڭ قاراشا ايىنىڭ 5 نەن باستاپ جازىلدى. ءتىلدى، سالت- ءداستۇردى، مادەنيەتتى بىلمەۋ كوپتەگەن قيىنشىلىق تۋعىزعانى ايدان انىق.

ءبىراق قۇشاعىن توسقان قازاق جارىم كوڭىل كورەيلەردى ءوز تۋعانىنداي قارسى الدى. اۋزىنان جىرىپ ازىعىن، باسپاناسىن بەرسە، ەكى قولعا ءبىر كۇرەك بولار جۇمىستى دا ۇسىندى. ەڭبەك قۇرالدارىمەن قامتىپ، ورتاعا ءسىڭىسىپ كەتۋگە بار جاعدايدى جاسادى.

«مەنىڭ ويىمشا، قوس حالىقتى ەڭبەككە قۇلشىنىس، ونەرگە دەگەن ماحاببات، پوەزيا جانە فيلوسوفيا سەكىلدى قۇندىلىقتار اجىراماس اعايىن ەتتى. كورەي حالقىنىڭ قازاقستانعا قونىستانعانىنا 75 جىل تولۋىنا وراي بىرلەستىگىمىز ورال قالاسىندا «قازاق حالقىنا مىڭ العىس» اتتى مونۋمەنتىن تۇرعىزدى.

بۇل 1937 - جىلى قيىن-قىستاۋ زاماندا تارشىلىق ءومىر سۇرسە دە، كورەيلەردى باۋىرىنا باسىپ، ءبىر ءۇزىم نانىمەن بولىسكەن قازاق حالقىنا دەگەن قۇرمەتىمىزدى بىلدىرەدى. بۇگىن رەسپۋبليكامىزدا قازاقستان حالقى اسسامبلەياسى جىلى سالتاناتتى تۇردە باستالدى. كوپ ۇلت وكىلدەرى تامىرىن تەرەڭگە جايعان ەلىمىزدە ىنتىماقتىڭ نىعايىپ، بەرەكە-بىرلىگىمىزدىڭ بەكي تۇسۋىنە ءبارىمىز دە كۇش سالۋىمىز كەرەك»، دەدى ا. كيم.

اتالمىش كەزدەسۋدە فاكۋلتەت دەكانى راۋشان عابدۋاليەۆا قوس حالىقتىڭ ۇقساس قاسيەتتەرىنە دە توقتالدى. ماسەلەن، ۇلكەندى سىيلاپ، الدىن كەسىپ وتپەۋ، ءسوزىن جەرگە تاستاماۋ كورەيلەرگە دە ءتان. ستۋدەنتتەر كورەي حالقىنىڭ تىنىس- تىرشىلىگىمەن تانىسىپ، ءبىراز ماعلۇمات الدى.

اسسامبلەيا جىلى اياسىندا ۋنيۆەرسيتەتتە ق ح ا مەن اتا زاڭىمىزدىڭ 20 جىلدىعى، ۇلى جەڭىستىڭ 70 جىلدىعى جانە قازاق حاندىعىنىڭ 550 جىلدىعىنا ارنالعان شارالار بۇدان بىلاي دا جالعاسىن تاپپاق.

ايتا كەتەيىك، ب ق و كورەيلەرى قوعامدىق بىرلەستىگىنىڭ ءتوراعاسى ماكسيم پاكتىڭ ءمالىم ەتكەنىندەي، ەلباسىمىزدىڭ قازاقستان حالقى اسسامبلەياسىنىڭ ХХІ سەسسياسىندا بەرگەن تاپسىرمالارىن ورىنداۋعا اتالعان بىرلەستىك تە اتسالىسىپ، ءوڭىردىڭ قوعامدىق-ساياسي ومىرىنە بەلسەنە ارالاسىپ كەلەدى.

ماسەلەن، 2014 - جىلى اقساي قالاسىنىڭ التى مەكتەبىندە «كيد» ينتەرناتسيونالدىق دوستىق كلۋبى اشىلدى. سونداي-اق بىرلەستىك اقسايدىڭ ەكى جەكە مەكەمەسىندە قوعامدىق كەلىسىم كەڭەستەرىن ۇيىمداستىردى. جىل سوڭىندا ءبورلى اۋدانىندا ورىنبور وبلىسى ەلەك اۋدانى مەن قازاقستان حالقى ب ق و اسسامبلەياسى دەلەگاتسيالارىنىڭ قاتىسۋىمەن دوستىق فەستيۆالى وتكىزىلدى.

اسسامبلەيا جىلى اياسىندا كورەيلەر «20 ىزگى ءىس» شاراسىنا قاتىسىپ، «بولاشاققا كوزقاراس» جوباسىن جۇزەگە اسىرماقشى. ول مۇگەدەكتەردى الەۋمەتتىك ساۋىقتىرۋ جانە قوعامعا بەلسەندى ارالاستىرۋعا ارنالماقشى.

اۆتور: ەلجان ەرالى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى