وزبەكتەر دە، قازاقتار سياقتى قوناقجاي حالىق

شاراعا ارميان جانە وزبەك ەتنومادەني بىرلەستىكتەرىنىڭ وكىلدەرى، قالاداعى اسسامبلەيا مەكتەپتەرىنىڭ كوشباسشىلارى قاتىستى. «باري» ارميان ەتنومادەني ورتالىعى» ق ب- ءنىڭ وكىلدەرى ءوز حالقىنىڭ ءداستۇرلى نەكە قيۋ سالتى جايىندا سلايد ارقىلى ايتىپ بەردى. سونداي-اق، شاراعا قاتىسۋشىلار كوكتەمنىڭ كەلۋىن بىلدىرەتىن ارميانداردىڭ كونە «ترندەز» مەرەكەسى جونىندە ءبىراز حاباردار بولدى. اسىرەسە، ارميان حالقىنىڭ ءبيىن تاماشالاپ، دولما، حاشلام جانە كاۋاپ ءتارىزدى تاعامدارى ءدامىن تاتقانداردىڭ ءتىلىن ءۇيىردى. سونداي-اق، ارميانداردىڭ سالت-ءداستۇرى مەن ادەت-عۇرىپتارى، 1,6 مىڭ جىلدان استام ۋاقىت بويى ەش وزگەرىسسىز ساقتالىپ كەلە جاتقان كونە جازۋىمەن جانە مۋزىكالىق اسپاپتارىمەن جاقىن تانىستى. ولاردىڭ اراسىندا يۋنەسكو-نىڭ بۇكىل الەمدىك ماتەريال ەمەس مادەني مۇراسى تانىلعان اعاشتان جاسالىنعان كونە ۇرلەمەلى مۋزىكالىق اسپابى دۋدۋك تە بار. دۋدۋك بۇل قازاقتىڭ قارا دومبىراسى سياقتى ارميان حالقىنىڭ ومىرىمەن تىعىز بايلانىستى مۋزىكالىق اسپاپ. ارميانداردىڭ كەز-كەلگەن تويى، مەرەكەلەرى جانە ءىس-شارالارى وسى دۋدۋكتىڭ سۇيەمەلدەۋىمەن وتەدى.

ال، «وزبەك ەتنومادەني ورتالىعى» ق ب- ءنىڭ وكىلدەرى «بەشيك تۋي» سالتى جونىندە اڭگىمەلەپ بەردى. سونداي-اق، ەرتەدەن بۇگىنگى كۇنگە دەيىن ساقتالىپ، جەتكەن ۇلتتىق قولونەر بۇيىمدارى مەن تاعامدارى ۇسىنىلدى.

«وزبەكتەر دە قازاقتار سياقتى قوناقجاي حالىق. وسىنداعى وزبەكتەر تاتۋ-ءتاتتى ءومىر كەشىپ جاتىر. بۇعان ارينە، ەلباسىنىڭ ساليقالى ساياساتىنىڭ ارقاسىندا قول جەتكىزىپ وتىرمىز. قازاق حالقىنىڭ دارحاندىعى مەن قوناقجايلىعىنىڭ ارقاسىندا وسىندا مەكەن ەتكەن 130 دان استام ءتۇرلى ۇلت وكىلدەرىنىڭ ءبىر اكە، ءبىر انانىڭ بالاسىنداي، بىرلىگى جاراسىپ تاتۋ-ءتاتتى ءومىر كەشىپ، جاتقاندىعى قۋانتادى. ەلباسىمىز نۇرسۇلتان نازاربايەۆتىڭ «ماڭگىلىك ەل» يدەياسىن جۇزەگە اسىرۋعا قازاقستانعا باۋىر باسىپ كەتكەن وزبەك ەتنوستارى دا ءوز ۇلەستەرىن قوساتىنىنا كامىل سەنەمىن. بۇل بارشا قازاقستاندىقتاردىڭ ورتاق ماقساتى»، - دەيدى «وزبەك ەتنومادەني ورتالىعى» ق ب- ءنىڭ ۇيلەستىرۋشىسى جۇمابيكە عالىمجان قىزى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى