بۇگىن ەلىمىزدىڭ بارلىق وڭىرلەرىندە قازاقستان حالقى اسسامبلەياسى جىلىنىڭ رەسمي اشىلۋى وتەدى
ەلىمىزدە قوعامدىق كەلىسىمدى ودان ءارى نىعايتۋ، قازاقستان حالقى اسسامبلەياسىنىڭ حالىقتىڭ ۇلتتىق بىرلىگىن قامتاماسىز ەتۋدەگى ءرولىن ارتتىرۋ ماقساتىندا ەلباسىمىز نۇرسۇلتان نازاربايەۆتىڭ باستاماسىمەن 2015-جىل قازاقستان حالقى اسسامبلەياسىنىڭ جىلى بولىپ جاريالاندى.
قازاقستان حالقى اسسامبلەياسى ءوزىنىڭ قۇرىلعان كەزىنەن باستاپ وراسان بىرىكتىرۋشىلىك جانە زياتكەرلىك الەۋەت جيناقتاپ جانە حالىقتىق ديپلوماتيا ينستيتۋتى ۇلگىسىنە بەيىمدەلە وتىرىپ، ۇزاق دامۋ جولىنان ءوتتى. ەلىمىزدەگى 100 دەن اسا ەتنوستىڭ باسىن بىرىكتىرەتىن بىرەگەي قۇرىلىم تۇراقتىلىقتى ساقتاپ، رەسپۋبليكانىڭ ىلگەرىلەي دامۋى ءۇشىن ماڭىزدى رول اتقاردى. قازاقستان حالقى اسسامبلەياسى بۇكىل الەمگە قازاقستاننىڭ ەتنوسارالىق قاتىناستار سالاسىندا جۇرگىزىپ وتىرعان ساياساتىنىڭ تابىستى ەكەنىن پاش ەتىپ كەلەدى. قازاقستان حالقى اسسامبلەياسى بۇكىل الەمگە قازاقستاننىڭ ەتنوسارالىق قاتىناستار سالاسىندا جۇرگىزىپ وتىرعان ساياساتىنىڭ تابىستى ەكەنىن پاش ەتىپ كەلەدى، دەپ جازادى akorda.kz.
قازاقستان حالقى اسسامبلەياسى جىلىن مەرەكەلەۋ استانا مەن الماتىدا، سونداي-اق، ق ر بارلىق وبلىس ورتالىقتارىندا بىردەي وتكىزىلمەك.
استانادا 6- اقپان كۇنى 11:00 بەيبىتشىلىك جانە كەلىسىم سارايىندا قازاقستان حالقى اسسامبلەياسى جىلىنىڭ اشىلۋى وتەدى. بەيبىتشىلىك جانە كەلىسىم سارايىنىڭ الدىنداعى الاڭدا جاستار فلەشموبى، ال 18:00-23:00 ارالىعىندا «الاۋ» مۇز ايدىنى سارايىندا «قازاقستان حالقى اسسامبلەياسى جىلىنىڭ باستالۋى» سينحرون-اكسياسى اياسىندا قالا تۇرعىندارىنىڭ بۇقارالىق كونكي تەبۋى ۇيىمداستىرىلادى. وسى كۇنى 71№ ورتا مەكتەپتىڭ سپورت زالىندا «ەسىل» اۋدانىنىڭ مەكتەپ كوماندالارى اراسىندا باسكەتبولدان جارىىس وتەدى.
7- اقپان كۇنى قالالىق الاڭدا، «ستۋدەنتتىك» ساياباقتا جانە «بايتەرەك» مونۋمەنتىنىڭ الدىنداعى الاڭدا حالىقتىق سەرۋەن جانە مەرەكەلىك كونسەرت ۇيىمداستىرىلادى. سونداي-اق، شاڭعى روللەرلىك تراسسادا شاڭعى جارىسى، «اقبۇلاق» مۇز ايدىنىندا شايبالى حوككەي، «كوڭىلدى ستارت» سياقتى سپورتتىق ءىس-شارالار وتكىزىلەدى، «الماتى» اۋدانىنىڭ تۇرعىندارى كونكي تەبۋگە قاتىسادى.
قازاقستان حالقى اسسامبلەياسىنىڭ جىلىنا ورايلاستىرىلعان كەڭ اۋقىمدى ءىس-شارالار جىل بويى جالعاسادى. قازاقستان حالقى اسسامبلەياسى حاتشىلىعىنىڭ حابارلاۋىنشا، 2015-جىلدىڭ سوڭىندا - 1- جەلتوقسان - ق ر تۇڭعىش پرەزيدەنتى كۇنى قازاقستان حالقى فورۋمىندا قازاقستان حالقى اسسامبلەياسى جىلىنىڭ قورىتىندىسى شىعارىلادى دەپ جوسپارلانعان.
