كەڭەس دۇيسەكەيەۆ: «سازگەر» دەگەن ءسوز نامىسىما تيەدى

- «دالاعا شىعىپ تاياق لاقتىرساڭ، كومپوزيتورسىماققا تيەدى. «دو» مەن «رە» -ءنىڭ اراسىنا تاكسيمەن بارىپ كەلەتىن ادامدار كوبەيىپ كەتتى» دەپ 1979-جىلى قازاقتىڭ وتە تالانتتى كومپوزيتورى مارقۇم ءابىلاحات ەسپايەۆ ماعان ءبىر ايتىپ ەدى. سول ءسوزدىڭ ناعىز كوكەسىن ەندى كورىپ ءجۇرمىز: قالتاسىن تولتىرىپ، تالتاڭداپ ستۋدياعا بارادى، ەكى نوتانىڭ باسىن قوسا الماي، ىڭىلداعان بىردەڭەسىن جازدىرادى. اقشاسىن تولەپ، انشىگە ايتقىزادى. ءبىر-ەكى رەت ەفيردەن كورىنىپ، «مەن كومپوزيتورمىن» دەپ كوكىرەك كەرەتىن جىگىتتەر تولىپ ءجۇر. وكىنىشتىسى، تەك جىگىتتەر عانا ەمەس.

ال، كومپوزيتور دەگەن.. . مىسالى، «سازگەر» دەگەن ءسوز نامىسىما تيەدى. سازگەرلەر - ارنايى كومپوزيتورلىق ءبىلىم الماي، ىڭىلداپ ءان شىعاراتىندار. كەڭەس وكىمەتىنىڭ تۇسىندا ولاردى اۋەسقوي دەيتىن. كومپوزيتور لاتىننىڭ«compositor»  - قۇراستىرۋشى دەگەن سوزىنەن شىققان. ءاندى باستان-اياق ورانجيروۆكاسىنا دەيىن ءوزىم دايىندايمىن. وسى كومپوزيتور مەن سازگەردىڭ ايىرماشىلىعىن كوپشىلىگى ەسكەرە بەرمەيدى، - دەدى كەڭەس دۇيسەكەيەۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى