و ق و اكىمى جۇمىسىن دۇرىس ۇيىمداستىرا الماعان اۋىل اكىمدەرىن جۇمىستان بوساتۋ تۋرالى تاپسىرما بەردى
جيىنعا قاتىسقان وبلىس اكىمىنىڭ ورىنباسارلارى، وبلىس اكىمى اپپاراتىنىڭ ءبولىم مەڭگەرۋشىلەرى مەن باسقارما باسشىلارى ءوز سالالارى بويىنشا اۋداندا اتقارىلعان جۇمىستارعا باعاسىن بەردى.
ق. ايتورەيەۆتىڭ ەسەپتى بايانداماسىن تالداعان وبلىس اكىمى اسقار مىرزاحمەتوۆ جىل قورىتىندىسىمەن اۋداندا قۇرىلىس سالاسىنداعى جوسپارلى كورسەتكىشتەر ءوز دەڭگەيىندە ورىندالماعاندىعىن اتاپ ءوتىپ، جاۋاپتى ازاماتتارعا شارا قولدانۋدى مىندەتتەدى.
كوممۋنالدى سۋ شارۋاشىلىعى مەكەمەسىنە قۇرىلىس- مونتاجداۋ جۇمىستارىن جۇرگىزۋگە قۇقىق بەرەتىن ليتسەنزيا الۋ ماسەلەسىن رەتتەۋدى، قۇبىر ارقىلى سۋ بەرىلەتىن ەلدى مەكەن تۇرعىندارىنا سۋ ءتاريفىنىڭ بەلگىلەگەن قۇنىن جان-جاقتى ءتۇسىندىرۋدى، شارداراداعى 72 كوپ قاباتتى تۇرعىن ءۇيدىڭ كوندومينيۋم نىسانى رەتىندە تىركەلۋىن جانە شاعىن اۋەجاي اشۋ جۇمىستارىنا قاجەتتى قۇجاتتاردى راسىمدەۋدى شيراتۋدى، يندۋستريالاندىرۋ باعىتىنداعى جۇمىستاردى ءوز دەڭگەيىندە اتقارماعان لاۋازىم يەلەرىنىڭ جاۋاپكەرشىلىگىن قاراۋدى تاپسىرىپ، جۇمىسىن دۇرىس ۇيىمداستىرا الماعان اۋىل اكىمدەرىن جۇمىستان بوساتۋدى جۇكتەدى.
