شەكارا شەبىندەگى ءبىر تاۋلىك ىشىندە بىرنەشە قىلمىستىڭ جولى كەسىلدى
ەلىمىزدىڭ شىعىسىنداعى «قورعاس» باقىلاۋ-وتكىزۋ بەكەتىنىڭ ناريادى تەمەكى ونىمدەرىن زاڭسىز وتكىزۋگە تىرىسقان 22 جاستاعى قازاقستان ازاماتىن ۇستادى.
تەمەكى ونىمدەرىنىڭ جالپى سانى 3400 قوراپ بولىپ شىقتى.
اتالعان ءىستىڭ ماتەريالدارى ق ر قىلمىستىق كودەكسىنىڭ 234-بابىنىڭ 1-تارماعى بويىنشا الماتى وبلىسىنىڭ پانفيلوۆ اۋداندىق پروكۋراتۋراسىنا بەرىلدى.
وسى كۇنى ەلىمىزدىڭ وڭتۇستىگىندەگى «سىپاتاي باتىر اۆتو» بەكەتىندە 58 جاستاعى قىرعىزستان ازاماتى ۇستالدى.
قازاقستاننان كورشىلەس قىرعىزستانعا كەتىپ بارا جاتقان ازاماتتىڭ زاڭسىز تۇردە وتكىزبەك بولعان جۇگى 60 كيلوگرام ءدارى- دارمەك بولىپ شىقتى.
اتالعان دەرەك بويىنشا قۇقىققورعاۋ ورگاندارى حابارلاندىرىلدى.
سونداي-اق، قازاق- رەسەي شەكاراسىنداعى «قۇرمانعازى اۆتو» باقىلاۋ-وتكىزۋ بەكەتىنىڭ شەكارا ناريادى 11 باس ءمۇيىزدى ءىرى قارانى شەكارادان زاڭسىز وتكىزۋگە ارەكەتتەنگەن رەسەيلىك ەكى ازاماتتى ۇستادى.
ەكى جۇك كولىگىنە تيەگەن ءىرى قارالاردىڭ قۇجاتتارى دۇرىس بولماي شىقتى. كورسەتكەن قۇجاتتارىنىڭ مەرزىمى ءوتىپ كەتكەنىمەن قويماي، ونىڭ ءبىراز جەرى قولمەن تۇزەتىلگەندىگى انىقتالدى.
اتالعان دەرەك بويىنشا ماتەريالدار اتىراۋ وبلىسىنىڭ قۇرمانعازى اۋداندىق ىشكى ىستەر بولىمىنە بەرىلدى.
