قۇرلىق اسكەرلەرىنىڭ ەڭ مىقتى بوكسشىسى انىقتالادى - فوتو
«ءار اسكەري قىزمەتشى ءۇشىن بوكس - كۇش پەن توزىمدىلىكتى جاتتىقتىرۋ عانا ەمەس، سونىمەن قاتار مىنەز-قۇلىقتى، ەرىكتى شىنىقتىرىپ، تاباندىلىق پەن باتىلدىقتى تاربيەلەۋدىڭ، ەشتەڭەگە قاراماستان جەڭىسكە جەتۋگە ۇيرەنۋدىڭ جولى بولىپ تابىلادى»، - دەيدى ق ر ق ك قۇرلىق اسكەرلەرىنىڭ باس قولباسشىسى گەنەرال-لەيتەنانت مۇرات مايكەيەۆ.
قۇرلىق اسكەرلەرىندە بۇل چەمپيونات ەكىنشى جىل قاتارىنان وتكىزىلىپ وتىر. بيىل چەمپيوناتقا ق ر قارۋلى كۇشتەرىنىڭ بارلىق تۇرلەرىنىڭ، شەكارا قىزمەتىنىڭ، ۇلتتىق ۇلاننىڭ، مەملەكەتتىك كۇزەت قىزمەتىنىڭ اسكەري قىزمەتشىلەرى قاتىسادى.
چەمپيونات قارساڭىندا وڭىرلىك قولباسشىلىقتاردا، قارۋلى كۇشتەر تۇرلەرى مەن اسكەر تەكتەرىنىڭ اسكەري قىزمەتشىلەرى اراسىندا ىرىكتەۋ جارىستارى ءوتتى. وسىلاردان وزا شىققان بىلەكتى بوكسشىلار اشىق چەمپيوناتتا ەڭ مىقتى سپورتشى اتاعى ءۇشىن قولعاپ تۇيىستىرەتىن بولادى.
