قىتاي ازاماتى نەمەرەسىن سپا-سالونعا ءبىر ايعا قالدىرىپ كەتتى
باسىلىمنىڭ مالىمەتىنشە، قىز بالا كۋنمين قالاسىنداعى سپا-سالونعا بىرنەشە ەمدەۋ شاراسىن الماقشى بولعان اتاسىمەن بىرگە بارىپتى.
شيپالى بىلاۋدان شىققان ەر ادام ءاميانىن ۇمىتىپ كەتكەنىن ايتىپ، سالون قىزمەتكەرلەرىنە كەپىل رەتىندە نەمەرەسىن قالدىرىپ اقشا اكەلۋگە كەتىپ قالعان. ول بىرنەشە ساعاتتان كەيىن ورالۋعا ۋادە بەرگەنىمەن، نەمەرەسىن الىپ كەتۋگە قايتىپ كەلمەگەن. كەيىن اتاسى مەن نەمەرەسىنىڭ كۋنميڭ قالاسىنا دەمالۋعا كەلگەندەرى بەلگىلى بولدى.
سالون مەنەدجەرى مي ۋاڭنىڭ ايتۋىنشا، ەر ادام قايتىپ كەلەتىنىنە سەندىرۋ ءۇشىن نەمەرەسىن ادەيى قالدىرىپتى. ءبىراق ول بىرنەشە تاۋلىك بويى ورالماعان سوڭ سالون قىزمەتكەرلەرى سياۋعا ارناپ ۇيىقتايتىن ورىن جابدىقتاعان. كەيىن تەلەديدار ورناتىپ، ۇنەمى جاڭا كيىمدەر مەن تاماق ساتىپ الىپ وتىرعان. قىز بالا ولاردىڭ كوپشىلىگىنە باۋىر باسىپ قالىپتى.
باسىلىمنىڭ حابارلاۋىنشا، بۇل وقيعا جەرگىلىكتى ب ا ق-تا قىزۋ تالقىعا تۇسكەن، ءسويتىپ كۋنميڭ تۇرعىندارى الەۋمەتتىك قىزمەتتىڭ بۇل ىسكە ارالاسۋىن تالاپ ەتىپ، قىزدىڭ اتاسىن تابۋعا ارەكەتتەندى. الايدا ازىرشە اتاسى تابىلا قويعان جوق.
tengrinews.kz
