قازاق ەلىندەگى بەيبىت ءومىردى ماقتان ەتەمىن - رايسا الحازوۆا

وعان  قىزىلوردا وبلىسىنداعى گرەك مادەني-ۇلتتىق ورتالىعىنىڭ وكىلى الحازوۆا رايسا دميترييەۆنا قاتىستى، - دەپ حابارلادى كوللەدج ديرەكتورىنىڭ ورىنباسارى اينۇر سۇلەيمەنوۆا.

باسقوسۋدا بيىلعى جىلدىڭ قازاقستان حالقى اسسامبلەياسىنىڭ جىلى بولىپ جاريالانۋىنا وراي جان- جاقتى مالىمەت بەرىلدى. سونداي- اق، ءانۇران ورىندالىپ، اسسامبلەيانىڭ قۇرىلۋى مەن جەتىستىكتەرى جايىندا بەينە روليكتەر كورسەتىلدى.

العاش ءسوز العان كوللەدج ديرەكتورى ورىنباي قۋانىشبايەۆ ەلىمىزدەگى اسسامبلەيانىڭ اتقارىپ وتىرعان جۇمىسىنا كەڭىنەن توقتالىپ، وقۋ ورداسىندا دا ءتۇرلى ۇلتتىڭ وكىلدەرى ءبىلىم الىپ جاتقانىن ايتتى.

ءبىر توپ وقۋشى ەلباسى ن. ءا. نازاربايەۆتىڭ اسسامبلەيا جايلى ايتقان سوزدەرىن جاتقا ايتتى. №13 توپ وقۋشىسى ءساميت زامانبەكتىڭ ورىنداۋىندا قوناقتارعا «قازاقتاي ەل قايدا» ءانى تارتۋ ەتىلدى.

كەزدەسۋ سوڭىندا گرەك مادەني- ۇلتتىق ورتالىعىنىڭ وكىلى رايسا الحازوۆا ءسوز الىپ، قازاق ەلىندەگى بۇگىنگىدەي بەيبىت ءومىردى ماقتان ەتەتىنىن جەتكىزىپ، كەزدەسۋدى ۇيىمداستىرعان ۇجىمعا العىسىن ءبىلدىردى.

قىزىلوردا قالاسىندا 300 گە جاقىن گرەك ۇلتىنىڭ وكىلدەرى تۇرادى. رايسانىڭ جارى گرەك ۇلتى وكىلى فيليپپ فەودوروۆيچ الحازوۆ ءومىرىنىڭ سوڭىنا دەيىن قىزمەت جولىندا جوعارى ساناتتى نەيروحيرۋرگ دارىگەر بولدى. ول «دەنساۋلىق ساقتاۋ ۇزدىگى» وبلىستاعى گرەك مادەني- ۇلتتىق ورتالىعىنىڭ ءتوراعاسى قىزمەتتەرىن اتقارعان. ءتۇرلى ونەردەن حابارى بولعان جان. قازىرگى تاڭدا گرەك مادەني- ۇلتتىق ورتالىعىن ۇلى فەودور فيليپپوۆيچ الحازوۆ باسقارادى.

اۆتور: ەلۋباي اۋەزوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى