ناۋرىزعا قاراي گرەكيا ۇكىمەتىنىڭ اقشاسى تاۋسىلۋى مۇمكىن

بۇل ەگەر نەسيە بەرۋشىلەر قىسقاشا ۋاقىتتىق الىس-بەرىستى كوتەرمەسە ورىن الۋى مۇمكىن جاعداي.

بۇل تۋرالى ەلدىڭ قارجىلىق جاعدايىمەن تانىس دەرەك كوزىنە سىلتەمە جاساعان Bloomberg حابارلايدى.

قازىرگى كەزدە گرەكيادا رەسمي نەسيە بەرۋشىلەردىڭ قىسقا ۋاقىتتىق وبليگاتسيالارىنا ورناتقان ليميتى 15 ميلليارد ەۋرونى قۇرايدى، دەپ جازادى ر ب ك. ەگەر ليميت كوتەرىلمەسە، ۇكىمەت 25 اقپاندا قاراجاتتىڭ جەتىسپەۋى جاعدايىنا ۇرىنۋى مۇمكىن. شىعىنداردى قىسقارتۋ جاعدايىندا ۇكىمەت تاعى بىرنەشە اپتا جۇرە الادى.

«ناۋرىز ايىنىڭ سوڭىنا قاراي ول (ەلدىڭ جاڭا پرەمەر-ءمينيسترى الەكسيس سيپراس) ەكزيستەنتسيونالدىق تاڭداۋ جاساي الادى: ءوزى مويىنداماي وتىرعان تالاپتارى بار قۇتقارۋ اۋقىمىن قابىلداۋ نەمەسە ەۋرو ايماعىنان شىعۋ»، - دەپ حابارلادى دەرەككوز.

بەيسەنبى كۇنى شەكتەۋدى كوتەرۋ ماسەلەسى گرەكيانىڭ قارجى ءمينيسترى يانيس ۆارۋفاكيس پەن نەمىس قارجى ءمينيسترى ۆولفگان شويبلەنىڭ كەزدەسۋىندە تالقىلانادى. 4 - اقپان كۇنى ەۋروپالىق ورتالىق بانك 11 - اقپاننان باستاپ گرەكيانىڭ نەسيەگە كەپىل رەتىندە ۇسىنىپ وتىرعان مەملەكەتتىك وبليگاتسيالارىن قابىلدامايتىنىن مالىمدەدى.

قاڭتاردىڭ سوڭىندا ەۋروپالىق ورتالىق بانكى ەگەر گرەكيا ءوزىنىڭ ەكونوميكاسىن قۇتقارۋ بويىنشا باعدارلاماسىنىڭ قىزمەتىن جالعاستىرماسا، رەتتەۋشى ەلدىڭ ودان ءارى نەسيەلەندىرىلۋى توقتايتىنى تۋرالى ايتتى.

ە و ب- نىڭ باسقارۋشى كەڭەسىنىڭ قۇرامىنا كىرەتىن فينليانديا بانكىنىڭ باسشىسى ەرككي لييكانەن 2015 - جىلعى اقپاننىڭ سوڭىنا قاراي گرەكيانىڭ ەۋروپا جانە ح ۆ ق- مەن كەلىسىلگەن داعدارىسقا قارسى ارەكەتتەر پاكەتى قىزمەتىنىڭ مەرزىمى اياقتالاتىنى تۋرالى مالىمدەدى.

«قانداي دا ءبىر شەشىم تابىلۋى ءتيىس، ولاي بولماسا، ءبىز نەسيەلەندىرۋدى جالعاستىرا المايمىز. بورىش قۇرىلىمىن قايتا قاراۋ جەكەمەنشىك ينۆەتورلارىمەن وتكىزىلدى. ە و ب مەملەكەتتى تىكەلەي قارجىلاندىرا المايدى، بۇل وسى جاعدايعا بايلانىستى»، - دەدى ول.

ەلدىڭ قارجىلىق پروبلەمالارىن ەسكەرگەن رەسەي قارجى ءمينيسترى انتون سيلۋانوۆ گرەكياعا رەسەي تاراپىنان قارجىلىق كومەك كورسەتۋ مۇمكىندىگىن ايتتى.

«ءبىز كەز كەلگەن جاعدايدىڭ بولۋىن قاراستىرامىز، سوندىقتان ەگەر رەسەي ۇكىمەتىنە وسىنداي ءوتىنىم كەلىپ تۇسسە، ءبىز ونى مىندەتتى تۇردە قاراستىرامىز، ونىمەن بىرگە رەسەي مەن گرەكيا اراسىنداعى ەكىجاقتى قارىم-قاتىناستاردىڭ بارلىق فاكتورلارىن ەسكەرەمىز»، - دەدى سيلۋانوۆ.

ءوز كەزەگىندە گرەكيا رەسەيدەن كومەك سۇراۋدان باس تارتتى.

ەلدىڭ پرەمەر-ءمينيسترى الەكسيس سيپراس ازىرگە بۇل جونىندە كەلىسسوزدەر ەۋروپالىق ارىپتەستەرمەن جۇرگىزىلىپ وتىرعانىن مالىمدەدى. «ءدال قازىر باسقا ەشقانداي نۇسقالار قاراستىرىلىپ وتىرعان جوق»، - دەپ ءتۇسىندىردى تسيپراس.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى