دارىگەرلەر ادام اعزاسىن قارا بازاردا ساۋدالاۋ مۇمكىن ەمەستىگىن ايتتى - كەسكىن

ونىڭ ايتۋىنشا، ادام اعزاسىنىڭ مۇشەلەرىن ساۋدالاۋ زاڭمەن قۋدالانادى. كوپشىلىك ايتىپ جۇرەتىن «قارا بازاردا» مۇنداي كۇردەلى وپەراتسيا جاساۋ مۇمكىن ەمەس.

ءوز سوزدەرىنىڭ جالاڭ ەمەستىگىن دالەلدەۋ ءۇشىن جۋرناليستەرگە ترانسپلانتولوگيالىق وتا جاساۋ پروتسەسى تۇسىرىلگەن بەينەجازبا كورسەتىلدى.

دارىگەر ءبىر مۇشەنى اۋىستىرىپ سالۋ ءۇشىن 150 ادام جۇمىس جاسايتىنىن جەتكىزدى.

ول ءۇشىن ارنايى زەرتحانا، ارنايى بولمە، قاجەتتى اپپاراتۋرا، جۇزدەگەن ماماندار قاجەت.

«اعزا مۇشەسىن اۋرۋحانادان بولەك جەردە اۋىستىرۋ مۇمكىن ەمەس. بارلىعى وتاعا 150 ادام جۇمىلدىرىلادى. ونىڭ 25- ى  وتا زالىندا جۇمىس جاسايدى. «قارا بازار» تۋرالى قاۋەسەت شىندىققا جاناسپايدى.  مۇنىڭ ءبارى بىزدە زاڭمەن رەتتەلەدى. قازاقستاندا بۇل ماسەلەگە بارىنشا گۋماندىق كوزقاراسپەن كەلۋگە تىرىسادى. شەشۋشى ءسوز البەتتە دونوردىڭ تۋىسقاندارىندا بولادى»، - دەدى بايماحانوۆ.

ەلىمىزدە ترانسپلانتولوگيانىڭ قارىشتاپ دامۋىنا كەدەرگى بولىپ وتىرعان باستى پروبلەما - دونور تاپشىلىعى.

 2012- جىلدان بەرى ەلىمىزدە 15 ادامنىڭ اعزا مۇشەلەرىن الۋعا كەلىسىم الىنعان. ال جىلىنا ميلليون ادامعا شاققاندا باۋىر جەتىسپەۋشىلىگىمەن 500 ادام، بۇيرەك جەتىسپەۋشىلىگىمەن 1500 ادام، جۇرەك جەتىسپەۋشىلىگمەن 50-60 ادام وتاعا مۇقتاج.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى