قازاقستانداعى قىتاي ەلشىسى: كوپ ۇلتتى ەلدىڭ بارشا حالقى باقىتتى ەكەنى سەزىلەدى

«قازاقستانداعى ۇلتارالىق تاتۋلىق مودەلىن وتە جوعارى باعالايمىن. تاۋەلسىزدىك جاريالانعاننان كەيىن ەل پرەزيدەنتى نۇرسۇلتان نازاربايەۆ ۇلتتىق ماسەلەلەر بويىنشا ساليقالى ساياسات جۇرگىزدى. سونىڭ ناتيجەسىندە بۇگىندە قازاقستاندا بارلىق دياسپورالار، بۇكىل ەتنوستار، بارشا حالىق تاتۋلىق پەن كەلىسىمدە ءومىر ءسۇرىپ جاتىر. بارلىعى ەل يگىلىگى مەن حالىق مۇددەسىنە ەڭبەك ەتەدى. بۇل وتە جاقسى، ارينە، ءبىز ەلدەگى حالىقتىڭ باقىتتى ءومىر ءسۇرىپ جاتقانىن سەزەمىز»، - دەيدى قىتاي ەلشىسى.

ونىڭ ايتۋىنشا، بۇل كەز كەلگەن مەملەكەتتىڭ، ونىڭ ەكونوميكاسىنىڭ دامۋىنىڭ ەڭ ماڭىزدى العى شارتى ەكەنى اقيقات.

«قازاقستانعا قىتايلىقتار وقۋعا، جۇمىس ىستەۋگە كەلەدى. ءبىز قازاقستانعا كەلەتىن قىتاي تۋريستەرىنىڭ سانى الدەقايدا ارتسا دەيمىز. وتكەن جىلى بىزدە 100 ميلليون ادام ەكسكۋرسياعا شىقپادى. ورتاشا العاندا ءار ادام 10 مىڭ دوللاردان استام جۇمسايدى. بۇل كوپ اقشا. ءبىز كورشى ەلدەرمىز، سوندىقتان ەكى ەل حالقىنىڭ ساپارلارىن قولدايمىز»، - دەيدى جاڭ حان حۋەي.

«تۋريزمدى دامىتۋ ءۇشىن قولايلى جاعداي جاساۋ كەرەك. قازاقستاندىقتاردىڭ ءبىزدىڭ ەلگە كەلىپ، ءبارىن ءوز كوزدەرىمەن كورىپ، ىنتىماقتاستىق ورناتۋ جولدارىن ىزدەستىرۋگە مۇمكىندىك بەرۋ قاجەت. ءبىزدىڭ ازاماتتار دا قازاقستانعا كەلىپ، مۇنداعى حالىقپەن ارالاسىپ، دوستىعىمىزدى نىعايتا تۇسسە يگى بولار ەدى»، - دەپ تۇيىندەدى قىتاي ەلشىسى ءوز ءسوزىن.

ايىمگۇل ابىلەۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى