جۇرەك دەرتىنە شالدىققاندار قازاقستاندىق كارديوحيرۋرگيالىق ورتالىققا ەۋروپا مەن امەريكادان دا اعىلۋدا - يۋ. پيا

بۇل تۋرالى بۇگىن ورتالىق كوممۋنيكاتسيالار قىزمەتىندە وتكەن بريفينگتە «ۇلتتىق عىلىمي كارديوحيرۋرگيالىق ورتالىق» ا ق باسقارما ءتوراعاسى يۋريي پيا ايتتى.

 «قيىن ەكونوميكالىق جاعدايلارعا قاراماستان، قازاقستانداعى كارديوحيرۋرگيالىق قىزمەت ءبىرشاما جاقسى قارقىنمەن دامىپ كەلە جاتىر دەپ تولىق سەنىممەن ايتا الامىن. جۋىردا ءبىزدىڭ ورتالىقتا مينيستر تامارا دۇيسەنوۆامەن كەزدەسۋ بولدى. سول كەزدەسۋ بارىسىندا كارديولوگيالىق جانە كارديوحيرۋرگيالىق قىزمەتتەردى ودان ءارى دامىتۋدىڭ باستاپقى ستراتەگيالىق فورمالارى قابىلداندى»، - دەپ اتاپ ءوتتى يۋ. پيا.

ونىڭ ايتۋىنشا، بۇل جوسپاردى ورىنداۋعا ورتالىقتىڭ الەۋەتى تولىق جەتەدى.

«مەنىڭ ويىمشا ءبىز بۇل جوسپاردى ورىنداۋعا دا قاراجات پەن قاجىر- قايرات تابامىز. سونىڭ دالەلى رەتىندە ايتا كەتەيىن، بۇگىندە ءبىز كورشى ەلدەردەگى ارىپتەستەرىمىز كەلىپ، ءبىلىم الاتىن ورتالىققا اينالدىق. اتاپ ايتار بولساق، جۋىردا رەسەيدىڭ كارديوحيرۋرگتارىنا شەبەرلىك سىنىپتارىن وتكىزدىك. سونداي- اق، وسى ايدىڭ سوڭىندا شىعىس ەۋروپادان، تاياۋ شىعىستان، تۇركيادان، جانە بالكىم قىتايدان كەلەتىن ارىپتەستەرىمىزگە شەبەرلىك سىنىپتارىن وتكىزۋدى جوسپارلاپ وتىرمىز»، - دەيدى يۋ. پيا.

سونىمەن قاتار، ونىڭ ايتۋىنشا، بۇگىندە استانالىق كارديوحيرۋرگيالىق ورتالىققا الىس جانە جاقىن شەتەلدەردەن ناۋقاس ادامدار ەمدەلۋگە كەلۋدە. ناقتىراق ايتساق، كورشى ەلدەردەن، سونداي- اق، كانادا، ا ق ش، گەرمانيا جانە اۋستراليادان وتاندىق كارديوحيرۋرگتار كومەگىنە جۇگىنۋگە كەلگەن ادامدار كوپ.

 اۆتور: ءابۋ- اسقار مەكەش ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى