رەسەي ۋكرايندىقتاردان شەتەلدىك پاسپورت تالاپ ەتپەيدى
بۇل رەتتە ۋكراينا بيلىگىنىڭ رەسەيلىك ازاماتتارعا ىشكى قۇجات بويىنشا شەكارادان وتۋگە تىيىم سالعانى رەسەيدىڭ سىرتقى ساياسي ۆەدومستۆوسىن قىنجىلتتى.
كيەۆتىڭ بۇنداي شەشىمى تەك قانا وكىنىش تۋدىرادى. سەبەبى بۇل شەشىم ءبىرىنشى كەزەكتە 2 ەلدە تۇراتىن ازاماتتاردىڭ قارىم- قاتىناسىنا نۇقسان كەلتىرەدى. «ءبىز بولساق، قوعام مۇددەسىن ەسكەرە وتىرىپ، شەكارانى اسىپ ءوتۋدىڭ بۇرىنعى ءتارتىبىن ساقتاپ قالۋدى ۇيعاردىق»، - دەدى ر ف س ءى م وكىلى.
ۋكراينا بيلىگى 1- ناۋرىزدان باستاپ رەسەيلىكتەرگە ىشكى قۇجاتتار بويىنشا ۋكرايناعا كەلۋگە تىيىم سالدى. بۇنداي شەشىمدى ولار شەكاراداعى باقىلاۋدى كۇشەيتۋ قاجەتتىلىگىمەن نەگىزدەدى. رەسەي 1- قاڭتاردان باستاپ، كەدەن وداعىنا كىرەتىن ەلدەردەن باسقا ت م د ەلدەرىنىڭ ازاماتتارىنا شەتەلدىك پاسپورت بويىنشا عانا كەلۋگە رۇقسات بەرەتىن شەكتەۋ ەنگىزدى. ماسكەۋدىڭ شەشىمى بويىنشا ۋكراينا ازاماتتارى بۇرىنعى ءتارتىپ بويىنشا رەسەيگە كەلە الادى.
