قاراعاندىدا الەۋمەتتىك ماسەلەدەگى ارىپتەستىككە باعىتتالعان ءۇشجاقتى كەلىسىمگە قول قويىلدى
- ەلباسى نۇرسۇلتان ءابىش ۇلى نازاربايەۆتىڭ «نۇرلى جول - بولاشاققا باستار جول» اتتى جولداۋىندا الەۋمەتتىك مىندەتتەمەلەردى تولىق اتقارۋ ماسەلەسى قويىلعان. كەلىسىم قاتىسۋشىلارى ءۇشىن الەۋمەتتىك ارىپتەستىك ءار تاراپتىڭ قىزىعۋشىلىعىن ارتتىرادى، - دەدى وبلىس اكىمى نۇرمۇحامبەت ابدىبەكوۆ جيىن اشىلۋىندا.
كەلىسىم الەۋمەتتىك-ەكونوميكالىق مىندەتتەمەلەردى جۇزەگە اسىرۋ ءۇشىن جاسالىپ وتىر. بۇل كەلىسىمدە الەۋمەتتىك قارىم-قاتىناستاردىڭ باستى ماسەلەسى الەۋمەتتىك-ەڭبەك قاتىناسىن جۇرگىزۋ، سونىمەن قاتار، ەكونوميكالىق ساياسات سالاسىندا جانە دە جۇمىسكەرلەردى الەۋمەتتىك قامتاماسىز ەتۋ قاراستىرىلعان.
اتالعان قۇجات بويىنشا جۇمىس بەرۋشىلەردىڭ جاۋاپكەرشىلىگى، جۇمىسكەرلەردىڭ وندىرىستىك ەڭبەك دەڭگەيىن كوتەرۋ، دەنساۋلىق ساقتاۋ ماسەلەلەرى قاراستىرىلعان. وعان قوسا، مۇمكىندىگى شەكتەۋلى جاندارعا جۇمىس ورنىن قاراستىرۋ، شاعىن جانە ورتا بيزنەستى قولداۋ ماقساتىندا وندىرىستىك جانە ەكولوگيالىق قاۋىپسىزدىك قامتاماسىز ەتۋ دە قوسىلادى.
سالتاناتتى جيىندا «قاراعاندى وبلىسى كاسىپوداقتار ورتالىعى» بىرلەستىگىنىڭ ءتورايىمى ليۋبوۆ قۋانىشبەكوۆا، قاراعاندى وبلىسى كاسىپكەرلەر پالاتاسىنىڭ ديرەكتورى مادەنيەت بوجبانوۆ، «ارسەلورميتتال تەمىرتاۋ» ا ق وبلىستاعى جۇمىس بەرۋشىلەر كەڭەسىنىڭ ءتوراعاسى، ەڭبەك قاتىناسى جانە ەڭبەك رەسۋرستارى بويىنشا ديرەكتور دميتري پاۆلوۆ قاتىستى.
- اتالعان جاعدايعا بايلانىستى اكىمشىلىك ەڭبەك ۇجىمى اراسىندا ءتۇسىندىرۋ جۇمىستارىن جۇرگىزۋ ءتيىس جانە قازاقستان رەسپۋبليكاسى ەڭبەك كودەكسىنە سايكەس جۇمىسكەرلەر كەزدەسۋ وتكىزۋ كەرەك، - دەدى ايماق باسشىسى.
سونىمەن قاتار، ەكى جاقتىڭ وكىلدەرىنە كەلىسىمدەگى مىندەتتەرگە جاۋاپپەن قاراۋدى جانە دە ەڭبەك ۇجىمدارى اراسىنداعى قاقتىعىستاردىڭ الدىن الۋدى نازارعا ۇستاعاندى ءجون سانادى.
- كەلىسىم، اسقان وركەنيەتتى، ارىپتەستىك قارىم-قاتىناستى الەۋمەتتىك ماسەلە توڭىرەگىنەن قاراۋ، تۇراقتى جۇمىس پەن جالاقىنى قامتاماسىز ەتۋ، قوعامدىق كەلىسىمدەگى ەرتەڭگە دەگەن سەنىمگە باعىتتالعان، - دەدى نۇرمۇحامبەت ابدىبەكوۆ ءسوز سوڭىندا.
