قوجاناسىر مەن الدار كوسە وقۋشىلارعا جەمقورلىقپەن كۇرەستى ۇيرەتتى
بۇل تاقىرىپتى ساباقتا تالداۋ ءۇشىن «ۇيشىك»، «شورتاننىڭ ءامىرى بويىنشا»، «ايبوليت» جانە «ميليتسيونەر ستەپا اعاي» شىعارمالارى دا پايدالانىلعان.
باسپا ءسوز قىزمەتىنىڭ مالىمەتىنشە، بۇل ساباقتار ورال قالاسىنداعى №7 جانە №40-مەكتەپتە ءوتتى. «سىبايلاس جەمقورلىقتىڭ الدىن-الۋ بويىنشا 2015-2025 - جىلدارعا ارنالعان ستراتەگياسىندا تۇلعانى بالا كەزىنەن قازاقستاندىق پاريوتيزم مەن سىبايلاس جەمقورلىقتى قابىلداماۋ رۋحىنا تاربيەلەۋ تۋرالى ايتىلعان.
وقۋشىلاردىڭ سىبايلاس جەمقورلىققا قارسى مادەنيەتىن قالىپتاستىرۋ ماقساتىندا ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ ب ق و بويىنشا دەپارتامەنتى قىزمەتكەرلەرى ورال قالاسىنداعى №7 جانە №40-مەكتەپ وقۋشىلارىنا ارنالعان سىبايلاس جەمقورلىققا قارسى سىنىپتان تىس ساباقتاردى وتكىزدى»، - دەلىنگەن حابارلامادا.
باسپا ءسوز قىزمەتىنىڭ حابارلاۋىنشا، بالالار بەرىلگەن تاپسىرمالارعا جاۋاپ بەرىپ، وزدەرىنىڭ وتباسىلارى مەن ەلىنە دەگەن ماحاباتتارىن ءبىلدىردى. سونىمەن قاتار، ساباق بارىسىندا بالالارعا سىيلىقتى تەك شىن جۇرەكتەن بەرۋ كەرەك ەكەنى ءتۇسىندىرىلدى.
«ساباقتىڭ بارىسىندا «سىيلىق جانە العىستىڭ باسقا دا تۇرلەرى» تاقىرىبىندا سلايد كورسەتىلىپ، وقۋشىلار سىيلىقتى ءبىر نارسەگە اۋىستىرۋ نەمەسە قانداي دا ءبىر نارسەنى ىستەمەۋ ءۇشىن ەمەس شىن جۇرەكتەن بەرۋ قاجەتتىگىن ۇعىندى»، - دەلىنگەن حابارلامادا.
ەسكە سالا كەتەيىك، قازاقستان مەكتەپتەرى مەن جوعارى وقۋ ورىندارىندا جەمقورلىققا قارسى كۇرەس ماسەلەلەرىن قوزعايتىن ءپاننىڭ 2017 - جىلى پايدا بولۋى مۇمكىن ەكەنى بۇعان دەيىن حابارلانعان بولاتىن.
باستاپقى كەزدە توقساندا نەمەسە سەمەستردە بىرنەشە ساعاتقا ەسەپتەلگەن تەماتيكالىق ساباقتار بولادى. ال جاڭا وقۋ جىلىنان باستاپ (2015-2016 -جىلدار) مەكتەپتەردە - «ادام جانە قۇقىق»، «ءوزىن- ءوزى تانۋ»، جوعارى وقۋ ورىندارىندا - «قۇقىق نەگىزدەرى» سياقتى قوعامدىق پاندەردىڭ اياسىندا جەمقورلىققا قارسى ءىس-قيمىل بويىنشا ساعاتتاردى قاراستىرۋ جوسپارلانىپ جاتىر.
