ءوز-ءوزىن سۋرەتكە تۇسىرمەك بولعان پيلوت ۇشاقتى اپاتقا ۇشىراتتى

ا ق ش-تىڭ كولىكتەگى ۇلتتىق قاۋىپسىزدىك كەڭەسىنىڭ تەرگەۋى شىعارعان قورىتىندىنى ABC News رەسۋرسى جاريالادى، - دەپ حابارلايدى Lenta.ru.

اۋە اپاتى 2014 - جىلدىڭ مامىر ايىنىڭ سوڭىندا بولدى.

ەكى ورىندىق Cessna 150K ۇشاعى وتكەن جىلدىڭ 31 - مامىرىندا ۇشىپ، ءتورت مينۋت وتكەننەن كەيىن قۇلاعان بولاتىن. سالدارىنان شتۋرۆالدا وتىرعان 29 جاستاعى امريتپال سينگح (Amritpal Singh) پەن جەرگىلىكتى مەكتەپتە ءان ورىنداۋى كەرەك بولعان مۋزىكانت قازا تاپتى.

اپات ورنىندا GoPro كامەراسى بولعان، ونداعى جازبادا وسى ۇشقىشتىڭ ۇشقان ءساتى بەينەلەنگەن. وسى ارقىلى ولاردىڭ وتە الاسا بيىكتىكتە سەلفي جاساۋدى ادەتكە اينالدىرعانى انىقتالدى. ساراپشىلار سينگحتىڭ سول كۇنى كامەراسى قوسۋلى بولسا دا، ءوز-ءوزىن سۋرەتكە تۇسىرمەك بولىپ، شتۋرۆالعا يە بولا الماي قالعان دەگەن شەشىمگە كەلىپ وتىر.

ايتا كەتەيىك، سەلفي تۇسىرەمىن دەپ، قازا تاۋىپ جاتقانداردىڭ الدى بۇل ەمەس. تاياۋدا عانا ءۇندىستان كوللەدجدەرىنىڭ بىرىندە وقيتىن 3 ستۋدەنتى جاقىنداپ كەلە جاتقان پويىزدىڭ الدىندا سەلفي جاساعىسى كەلىپ، قازا بولعان ەدى.

ءتورت ستۋدەنت دەلي قالاسىنان اگرۋعا قاراي جولعا شىعىپ، اتاقتى ءتاج-ماحال كەسەنەسىنە بارماق بولادى. دوستاردىڭ ءبىرى پويىزدىڭ الدىندا تۇرىپ سەلفي جاساپ، ونى ينتەرنەتكە جۇكتەۋدى ۇسىنادى. ءۇش جىگىت پويىزدىڭ جولىنا جاقىن تۇرىپ، كەلە جاتقان پويىزدىڭ الدىندا سۋرەتكە تۇسكىسى كەلەدى.

ءسويتىپ، ولار پويىزدىڭ جاقىنداعانىن بايقاماي قالعان. ءتىرى قالعان ستۋدەنت پوليتسەيلەرگە ءوز دوستارىن قىرىنان ءتۇسىرىپ تۇرعاندىقتان، قاۋىپ تۋرالى ەسكەرتىپ ۇلگەرمەگەنىن ايتىپ بەردى. ءتارتىپ ساقشىلارى قازا تاپقان ستۋدەنتتەردىڭ 20-22 جاستا بولعانىن ناقتىلادى - ولار كوللەدجدە ءبىلىم الىپ جۇرگەن. قازىرگى ۋاقىتتا بولعان وقيعانىڭ جاي-جاپسارى انىقتالىپ جاتىر.

tengrinews.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى