مۇحاممەد پايعامبار تۋرالى ولەڭدەر بايقاۋىندا قىتايدان كەلگەن قانداسىمىز ۇزدىك دەپ تانىلدى
ەستەرىڭىزگە سالا كەتەيىك، الەم مۇسىلماندارى پايعامباردىڭ تۋعان كۇنىن ءبىر اي بويى اتاپ ءوتتى.
جەتىسۋ تۇرعىندارى ءۇشىن ءماۋلىتتى وبلىستىق دەڭگەيدە مەرەكەلەۋ داستۇرگە اينالدى. جىل سايىن ونىڭ وتكىزىلۋ اۋقىمى عانا ەمەس، شارالار دەڭگەيى دە ارتىپ كەلەدى. وسىلايشا، ەگەر وتكەن جىلدىڭ باعدارلاماسىندا ايتىس ۇيىمداستىرىلسا، بيىلعى جىلى باستاماشىلار پايعامبار تۋرالى ۇزدىك ولەڭ تۋىندىلارىنا بايقاۋ جاريالادى.
بۇل شاراعا 30 دان استام ادام قاتىسقان، ولاردىڭ بەسەۋىنە عانا سىيلىق بەرىلدى. ءبىرىنشى ورىنعا كوكسۋ اۋدانىنىڭ دارىندى جاس اقىن، قىتايدان كەلگەن قانداسىمىز شۇعايىپ اقىن ۇلى لايىق دەپ تانىلدى.
شاراعا قازاقستان مۇسىلماندارى ءدىني باسقارماسىنىڭ وكىلدەرى قاتىستى. ولار جينالعان قاۋىمعا مۇحاممەد پايعامباردىڭ ءومىرى، ونىڭ دىنشىلدىك، مەيىرىمدىلىك جانە راقىمدىلىق سياقتى قاسيەتتەرى تۋرالى ايتىپ بەردى.
