ب ا ءا قازاقستاننىڭ سىرتقى ساياسي باستامالارىن قولدايدى
جولداۋدى ق ر پرەزيدەنتىنىڭ ارنايى وكىلى، سىرتقى ىستەر ءمينيسترىنىڭ ورىنباسارى اسقار مۋسينوۆ ءابۋ-ءدابيدىڭ تاق مۇراگەرى شەيح مۇحامەد بەن زايد ءال ناحايانمەن وتكەن كەزدەسۋدە قولما-قول تابىستادى.
كەزدەسۋدە ب ۇ ۇ قاۋىپسىزدىك كەڭەسىنىڭ تۇراقتى ەمەس مۇشەلىگىنە سايلانۋ ەلىمىزدىڭ سىرتقى ساياساتىنداعى ماڭىزدى باسىمدىق ەكەنى جانە قازاقستاننىڭ جاھاندىق بەيبىتشىلىك پەن قاۋىپسىزدىككە ۇلكەن ۇلەس قوسۋعا نيەتتى ەكەندىگى اتاپ ءوتىلدى. ا. مۋسينوۆ ەلىمىزدىڭ قاۋىپسىزدىكتىڭ جالپىعا ورتاق تۇجىرىمداماسىنا بەكەمدىگىن اتاپ ءوتتى. بۇل قاۋىپسىزدىكتىڭ، ادام قۇقىقتارىنىڭ جانە تۇراقتى دامۋ ماسەلەلەرىنىڭ ءوزارا بايلانىسى مەن ءوزارا تاۋەلدىلىگىن مەڭزەيدى.
ءابۋ-ءدابيدىڭ تاق مۇراگەرى امىرلىكتەر قازاقستاننىڭ سىرتقى ساياسي باستامالارىنا قولداۋ كورسەتەتىنىن جانە اعىمداعى جىلعى قاڭتاردا ب ا ءا- ءنىڭ ازىق-تۇلىك قاۋىپسىزدىگى جونىندەگى يسلام ۇيىمىنىڭ جارعىسىنا قول قويعانىن اتاپ ءوتتى.
