قىلمىسكەر سوت زالىنان قاشىپ كەتتى
21 جاستاعى دميتري حاچياشۆيلي سوت زالىنداعى ارنايى تەمىر تورعا توعىتىلعان بولاتىن. توردىڭ كىلتى جانىندا ۇستەل ۇستىندە جاتقان. سوتتالعان جىگىت سول كىلتكە قولىن جەتكىزىپ، تەرەزە ارقىلى سوت عيماراتىنان قاشىپ كەتتى.
قاشقىندى پوليتسيا قىزمەتكەرلەرى ساگارەدجوي اۋدانىنان تبيليسيگە كەتىپ بارا جاتقان جەرىنەن قولعا تۇسىرگەن بولاتىن. الايدا ونى اۋلاۋ شاراسى قاراڭعى تۇسكەن ساتتە بولعاندىقتان، قىلمىسكەر جىگىت قايتا قاشىپ قۇتىلعان.
حاچياشۆيلي عالامتور ارقىلى تانىسقان جىگىتتى پىشاقپەن جارالاعانى ءۇشىن جاۋاپقا تارتىلعان بولاتىن. الەۋمەتتىك جەلىدەگى تانىستىق مەيرامحاناداعى كەزدەسۋگە ۇلاسىپ، سوڭىنان سوتتالعان جىگىتتىڭ تانىسى وعان گوموسەكسۋالدىق جىنىستىق قاتىناسقا بارۋدى ۇسىنعان. وعان جاۋاپ رەتىندە جىگىت گەي-تانىسىنا پىشاق الا جۇگىرگەن. تەرگەۋ مالىمەتتەرى بويىنشا، زارداپ شەككەن جىگىتتىڭ ءحالى تۇراقتى.
قىلمىسكەردىڭ قاشۋىنا جول بەرگەن پوليتسيا قىزمەتكەرلەرىنىڭ سالعىرتتىعىنا قاتىستى گرۋزيالىق پروكۋراتۋرا تەرگەۋ جۇمىستارىن باستادى.
BNews.kz
