زارينا دياس قانشا پايدا تاپتى؟

كوپتەگەن تەننيسشىلەر «Australian Open» تۋرنيرىن جاقسى كورەدى. جانكۇيەرلەر سۇيىكتى سپورتشىلارىن ەرەكشە قۇرمەتتەيدى. ۇيىمداستىرۋشىلار جوعارى دەڭگەيدە وتكىزەدى. سوندىقتان جارىس كەزىندە ويىنشىلار ءوز ۇيىندە جۇرگەندەي سەزىنەدى.

بيىلعى جىلى جالپى ۇتىس قورى 20 پايىزعا ءوستى. ەرلەر اراسىندا چەمپيون اتانعان الەمنىڭ ءبىرىنشى راكەتكاسى نوۆاك دجوكوۆيچ 3100000 دوللارعا يە بولدى. ءتىپتى، ءبىرىنشى راۋندتان كەيىن ۇيىنە قايتقان اندرەي گولۋبيەۆ، ميحايل كۋكۋشكين سياقتى تەننيسشىلەردىڭ ءوزى قالتالارىنا 34500 دوللاردى باستى.

جالپى، جاسىل قۇرلىقتاعى تۋرنيردىڭ ەرلەر اراسىنداعى باسەكەسىندە 11 ميلليون 806 مىڭ دوللار ساراپقا سالىنسا، قىزدار اراسىنداعى سايىسقا 12 ميلليون 122 مىڭ دوللارعا بولىنگەن.

قازاقستاننىڭ ءبىرىنشى راكەتكاسى زارينا دياس جەكەلەي سىندا ءۇشىنشى راۋندقا دەيىن جەتكەنى ءۇشىن 97500 دوللار پايدا تاپتى. سونداي-اق جۇپتىق باسەكەدە شانەل سحەپەر ەكەۋىنە 23000 دوللار بۇيىردى. بۇل سۋمانى شانەل ەكەۋى تەڭدەي ءبولىپ الدى دەسەك، زارينا اۋستراليادان 109 مىڭ دوللار تابىس تاۋىپ قايتقان. ياروسلوۆا شۆەدوۆانىڭ تابىسى دا ءدال وسىنداي.

ءار راۋندقا جەتكەن سايىن تەننيسشىلەردىڭ تاپقان تابىستارى تومەندەگىدەي بولدى:

جەكەلەي سىن

1 راۋند - 34500 دوللار

2 راۋند - 60000 دوللار

3 راۋند - 97500 دوللار

4 راۋند - 175000 دوللار

شيرەك فينال - 340000 دوللار

جارتىلاي فينال - 650000 دوللار

فيناليست - 1 550000 دوللار

جەڭىمپاز - 3100000 دوللار

جۇپتىق سايىس

1 راۋند - 14800 دوللار

2 راۋند - 23000 دوللار

3 راۋند - 39000 دوللار

شيرەك فينال - 71000 دوللار

جارتىلاي فينال - 142500 دوللار

فيناليست - 285000 دوللار

جەڭىمپاز - 575000 دوللار

ارالاس جۇپ

1 راۋند - 4000 دوللار

2 راۋند - 8200 دوللار

شيرەك فينال - 16300 دوللار

جارتىلاي فينال - 35600 دوللار

فيناليست - 71500 دوللار

جەڭىمپاز - 142500 دوللار

بەك تولەۋوۆ

aq.kzB

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى