ق ر كاسىپكەرلىك كودەكسى جوباسى بيزنەس پەن مەملەكەتتىڭ ءوزارا ءىس-قيمىلى نورمالارىن جۇيەگە كەلتىرەدى
«كاسىپكەرلىك كودەكسى (ك ك) جوباسىندا نورمالار ماقساتتى باعىتتىلىعىنا بايلانىستى جۇيەگە كەلتىرىلگەن. ك ك جەكە قۇقىق پەن نورمالار باسەكەلەستىگىنىڭ دۋاليزمىن تۋىنداتپايدى جانە كاسىپكەرلىك سۋبەكتىلەرى مەن مەملەكەتتىڭ ءوزارا قارىم-قاتىناسىنا، ونىڭ ىشىندە مەملەكەتتىك رەتتەۋ مەن كاسىپكەرلىكتى قولداۋعا بايلانىستى تۋىندايتىن قوعامدىق قارىم-قاتىناستاردى رەتتەۋگە باعىتتالعان»، - دەدى ز. بايمولدينا.
قۇجاتتى جاساۋشىلار حابارلاعانداي، كودەكس جوباسىندا 19 قاعيدات ايقىندالعان، سولاردىڭ نەگىزىندە كاسىپكەرلىك سۋبەكتىلەرى مەن مەملەكەت ءوزارا ارەكەت ەتە الادى.
دەربەس ءبولىم كاسىپكەرلىك پەن مەملەكەتتىڭ كەلەسى باعىتتار بويىنشا ءوزارا ءىس-قيمىلى ماسەلەلەرىنە ارنالعان: كاسىپكەرلىك سۋبەكتىلەرىنىڭ نورما جاساۋعا قاتىسۋى؛ كاسىپكەرلىك سالاسىنداعى مەملەكەتتىك تاپسىرىس؛ مەملەكەتتىك-جەكە مەنشىك سەرىكتەستىك؛ كاسىپكەرلىكتىڭ الەۋمەتتىك جاۋاپكەرشىلىگى؛ كاسىپكەرلىكتى مەملەكەتتىك رەتتەۋ؛ جەكە كاسىپكەرلىكتى مەملەكەتتىك قولداۋ.
ك ك جوباسىندا ەكونوميكالىق باسەكەلەستىك؛ رۇقساتتار مەن ەسكەرتۋلەر؛ تەحنيكالىق رەتتەۋ؛ باعانى مەملەكەتتىك رەتتەۋ؛ مىندەتتى ساقتاندىرۋ؛ مەملەكەتتىك باقىلاۋ جانە قاداعالاۋ سياقتى كاسىپكەرلىكتى مەملەكەتتىك رەتتەۋ فورمالارى مەن قاراجاتتارى جۇيەگە كەلتىرىلگەن.
