ا ق ش-تا پرەزيدەنتتى ولتىرۋگە نيەتتەنگەن ازامات قولعا ءتۇستى
جەرگىلىكتى Casper Star- Tribune گازەتىنىڭ حابارلاۋىنشا، قاڭتار ايىنىڭ سوڭىندا پسيحيكالىق اۋرۋلار بولىمىندە ەمدەلىپ جاتقان دەۆيد دۋەين پەرري 911 نومىرىنە تەلەفون سوعىپ، وبامانى ولتىرەتىنىن ايتادى. وپەراتور دەرەۋ ارنايى قىزمەت ماماندارىنا حابارلاسىپ، بولعان جايدى باياندايدى. كوپ وتپەي، پوليتسەيلەر پەرريدى قولعا تۇسىرەدى.
كەشە شايەنن قالاسىنىڭ سوتى پەرريدى اۋرۋحاناعا قايتارىپ، 45 كۇندەي سوندا تەرگەۋ جۇمىستارىن جۇرگىزۋ تۋرالى شەشىم شىعاردى. ونىڭ سوتقا تارتىلاتىن-تارتىلمايتىنى تەرگەۋ اياقتالعاننان كەيىن بەلگىلى بولادى. ا ق ش-تا پرەزيدەنتتى ولتىرۋگە نيەتتەنگەندەرگە 10 جىلعا دەيىن باس بوستاندىعىنان ايىرۋ جازاسى تاعايىندالادى.
