وزبەكستاندا «يسلام مەملەكەتى» لاڭكەستىك ارەكەتتەر ۇيىمداستىرماق بولدى

ساراپشىنىڭ مالىمەتىنشە، وسى اقپاراتقا بايلانىستى شەكارا كۇزەتى كۇشەيتىلدى. حامداموۆتىڭ ايتۋىنشا، ۇ ق ق- نىڭ ۇيىمداستىرىلماق بولعان تەراكت تۋرالى مالىمەتتەرى بىرنەشە ەلدە، سونىڭ ىشىندە رەسەي مەن ا ق ش- تا تىيىم سالىنعان «وزبەكستاننىڭ يسلام قوزعالىسى» مەن «يسلام مەملەكەتى» ۇيىمىنىڭ 2014-جىلدىڭ اياعىندا وزبەكستاندا ۇستالعان مۇشەلەرى بەرگەن تۇسىنىكتەمەلەرىنە نەگىزدەلدى.

«وزبەكستاننىڭ ۇستالعان ازاماتتارى پاكىستاندا 2013-جىلى اسكەري دايىندىقتان ءوتىپ، 2014-جىلى وزبەكستانعا قايتىپ كەلگەن، ولار جاستاردى «يسلام مەملەكەتىنىڭ» قۇرامىنا كىرۋگە ۇگىتتەگەن»، - دەپ ناقتىلادى ۇ ق ق وفيتسەرى. ارنايى قىزمەت مالىمەتتەرى بويىنشا، وزبەكستانداعى لاڭكەستىك 29- ناۋرىزعا بەلگىلەنگەن پرەزيدەنت سايلاۋى قارساڭىندا بولادى دەپ جوسپارلانعان. ايتا كەتەيىك، ساراپشىلار قاڭتار ايىندا «يسلام مەملەكەتىنىڭ» باسشىلارى فەرعانا دالاسىنداعى جاعدايدى ورتالىق ازيا جەندەتتەرىنىڭ كومەگىمەن تۇراقسىزداندىرۋ ءۇشىن 70 ميلليون دوللار بولۋگە شەشىم قابىلداعانى تۋرالى ايتقان بولاتىن.

ەسكە سالا كەتەيىك، كەيبىر دەرەكتەر بويىنشا «ءال-كايدامەن» بايلانىسى بار «يسلام مەملەكەتى» تەررورلىق ۇيىمى 2014-جىلى يراك پەن سيريادا جانداندى. ول يراكتىڭ سولتۇستىگى مەن سولتۇستىك-باتىسىنا توپەلەي شابۋىلداپ، كولەمدى ايماقتى باسىپ الدى، ولار سول ايماقتاردا «يسلام حاليفاتىن» قۇردى.

tengrinews.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى