كەشە «قازاقستان حالىق بانكى» ا ق باسقارماسىنىڭ قۇرامىندا وزگەرىستەر ورىن الدى
«بانكتىڭ ديرەكتورلار كەڭەسىنىڭ 2015-جىلعى 30- قاڭتارداعى شەشىمىنە سايكەس بانك باسقارماسى قۇرامىنىڭ سانى 2015-جىلعى 2- اقپاننان باستاپ 11 (ون ءبىر) ادام بولىپ بەلگىلەندى. سونداي-اق، قۇسايىنبەكوۆ قۋات قايروللا ۇلى جانە ساليموۆ ەرتاي يسمايل ۇلى بانك باسقارماسىنىڭ جاڭا مۇشەلەرى بولىپ سايلاندى»، - دەلىنگەن حابارلامادا.
قۇسايىنبەكوۆ قۋات قايروللا ۇلى 1988-جىلى ۆ. ي. لەنين اتىنداعى قازاق پوليتەحنيكالىق ينستيتۋتىن ءبىتىردى. حالىق بانكىندە 1999-جىلدان بەرى جۇمىس ىستەيدى. ءار كەزدەردە اقپاراتتىق تەحنولوگيالار دەپارتامەنتى بانك جۇيەلەرىن جوبالاۋ باسقارماسى باستىعىنىڭ، اقپاراتتىق تەحنولوگيالار دەپارتامەنتى ديرەكتورىنىڭ ورىنباسارى - بانكتىك اقپاراتتىق جۇيەنى جوبالاۋ جانە دامىتۋ باسقارماسى باستىعىنىڭ، اقپاراتتىق جۇيەلەر دەپارتامەنتىنىڭ ديرەكتورى ورىنباسارىنىڭ، اقپاراتتىق تەحنولوگيالار دەپارتامەنتى ديرەكتورىنىڭ، اقپاراتتىق جۇيەلەر دەپارتامەنتىنىڭ ديرەكتورى - باسقارۋشى ديرەكتوردىڭ، باس بانكتىڭ اقپاراتتىق جۇيەلەر دەپارتامەنتى ديرەكتورىنىڭ، باسقارۋشى ديرەكتوردىڭ، باس ءى ت- ديرەكتوردىڭ لاۋازىمدارىندا قىزمەت اتقاردى. 2015-جىلعى 2- اقپاننان باستاپ، بانك باسقارماسىنىڭ ءتوراعاسى ورىنباسارىنىڭ لاۋازىمىنا تاعايىندالدى.
ساليموۆ ەرتاي يسمايل ۇلى 1995-جىلى قازاق مەملەكەتتىك باسقارۋ اكادەمياسىن ءبىتىردى. حالىق بانكىندە 1995-جىلدان باستاپ جۇمىس ىستەپ كەلە جاتىر. ءار كەزدەردە ۆاليۋتالىق وپەراتسيالار دەپارتامەنتىندە ساۋدالىق ەمەس وپەراتسيالار ءبولىمى باستىعىنىڭ، ۆاليۋتالىق وپەراتسيالار دەپارتامەنتىنىڭ اسىل مەتالدارمەن جۇمىس ءبولىمى باستىعى ورىنباسارىنىڭ، حالىقارالىق وپەراتسيالار دەپارتامەنتىنىڭ اسىل مەتالدارمەن جۇمىس بولىمىندە جەتەكشى بانكيردىڭ، حالىقارالىق وپەراتسيالار دەپارتامەنتىنىڭ اسىل مەتالدار بولىمىندە جەتەكشى بانكيردىڭ، ساۋدالىق قارجىلاندىرۋ دەپارتامەنتىندە Commodity ءبولىمىنىڭ باس بانكيرىنىڭ، كوممەرتسيالىق دەپارتامەنتتىڭ Commodity ءبولىمىنىڭ باس بانكيرىنىڭ، قازىناشىلىقتىڭ اعا ديلەرىنىڭ، قازىناشىلىقتىڭ Forex, Money market وپەراتسيالارى باسقارماسى باستىعىنىڭ، قازىناشىلىقتىڭ ساۋدالىق وپەراتسيالار باسقارماسى باستىعىنىڭ، قازىناشىلىق ديرەكتورى ورىنباسارىنىڭ، قازىناشىلىق ديرەكتورىنىڭ، باس وپەر باسقارماسى باستىعىنىڭ، باس وپەراتسيالىق ديرەكتوردىڭ لاۋازىمدارىندا قىزمەت اتقاردى. 2015-جىلعى 2- اقپاننان باستاپ، بانك باسقارماسىنىڭ ءتوراعاسى ورىنباسارىنىڭ لاۋازىمىنا تاعايىندالدى.
اۆتور: گۇلميرا عوسمانالي
