قازاقستاندىق رەجيسسەر تيمۋر بەكمامبەتوۆ يتاليادا «بەن گۋر» فيلمىنىڭ ءتۇسىرىلىمىن باستادى
بۇل تۋرالى Bazelevs كينوكومپانياسىنىڭ باسپا ءسوز قىزمەتىنەن حابارلادى، دەپ جازادى ت ا س.
«بەن- گۋر» تۋىندىسى ۋيليام ۋايلەردىڭ اڭىزعا اينالعان فيلمى سياقتى، ليۋ ۋوللەستىڭ العاش رەت 1880 - جىلى جاريالانعان «بەن- گۋر: حريستوستىڭ وقيعاسى» رومانىنىڭ نەگىزىندە جاسالدى. ونىڭ وقيعاسى پالەستينادا يسا پايعامبار جانە ريم امىرلىگى كەزىندە ءوربيدى.
ت. بەكمامبەتوۆتىڭ ايتۋىنشا، جاڭا شىعارما ونىڭ ءتۇپنۇسقاسى - ۋوللەستىڭ رومانىنا وتە جاقىن بولادى. ول سەنىم مەن مىندەت، كەك پەن كەشىرىم ماسەلەلەرىن قوزعايدى.
فيلمدەگى باستى ءرولدى بريتاندىق اكتەر دجەك حيۋستون سومدايدى، يسانىڭ ءرولىن برازيليالىق رودريگو سانتورو وينايدى. كارتيناداعى رولدەردىڭ ءبىرىن سونداي- اق تانىمال امەريكاندىق اكتەر مورگان فريمان ورىندايدى.
«بەن- گۋردىڭ» تۇسىرىلىمدەرى ريمدە، سونداي- اق ريم يمپەرياسىنىڭ بىرەگەي قۇرىلىستارى - يمپەراتور ادرياننىڭ ۆيللاسى ساقتالىپ قالعان يتاليانىڭ وڭتۇستىگىندەگى ماتەرا قالاسىنىڭ ماڭىندا وتەدى. فيلم ەكرانعا 2016 - جىلى شىعادى دەپ جوسپارلانىپ وتىر.
