العاش رەت باۋىرجان مومىش ۇلىنىڭ «ۇشقان ۇيا» پوۆەسىنىڭ راديونۇسقاسىن ۇسىنىلدى
«ۇشقان ۇيا» پوۆەسىنىڭ ەرەكشەلىگى سول - بۇگىنگى ءبىز ىزدەپ جۇرگەن ۇلتتىق يدەيا، ءبىز جوعالتىپ جۇرگەن ۇلتتىق بولمىس، تىرلىگىمىزدەن بىرتىندەپ ىسىرىلىپ، ءوڭى اينالىپ بارا جاتقان ۇلتتىق سالت-ءداستۇر، ادەت-عۇرىپتارىمىز، ءار كەيىپكەردىڭ مىنەزى، ءسوزى، قيمىل-ارەكەتى ارقىلى جاندى كورىنىستەي كوز الدىڭا كەلەدى.
سول قازاقى مىنەز، ادەت-عۇرىپتار ۇلتىنا، جاسىنا، دىنىنە قاراماستان قازاقستاننىڭ ءاربىر تۇرعىنىن قىزىقتىرىپ، حالقىمىزعا دەگەن قۇرمەتىن ارتتىرىپ، باۋىرمالدىق پەن تۋىستىققا، سىيلاستىققا شاقىرادى.
كەشەگى تاعدىردىڭ تالاي سىناعىنا مويىماي، بار اسىل قاسيەتتى نەمەرەلەرىنىڭ بويىنا ءۇيىپ توككەن اسىل انالار، قاريالاردىڭ قاتال قاباعىنان ىعىپ، ۇلكەننىڭ الدىن كەسە وتپەي، ىزەت كورسەتكەن كىشىلەردىڭ ۇلگى-ونەگەسى، ۇلكەندىك جولىن قادىر- قاسيەتىمەن مويىنداتقان الدىڭعى بۋىننىڭ اقىل-ناقىل، ءتالىم-تاربيەسى بۇگىنگى ۇرپاق ءۇشىن باعا جەتپەس تاعىلىم، تاربيەنىڭ كوزى دەۋگە بولادى.
«قاڭتار ايىنىڭ 28 ىنەن باستاپ ەفيرگە جول تارتقان بۇل بىرەگەي جوبا 37 بولىمنەن، ءار ءبولىمى 10-15 مينۋتتان تۇرادى. سونداي-اق، باۋىرجان مومىش ۇلىنىڭ «ۇشقان ۇيا» پوۆەسىنىڭ ورىس تىلىندەگى «ناشا سەميا» اتتى نۇسقاسى دا كوپ ۇزاماي قازاق راديوسى ارقىلى ەفيرگە شىعاتىنىن حابارلايمىز.
ءار اپتانىڭ سارسەنبى، بەيسەنبى كۇندەرى 19 ساعات 10 مينۋتتا «قازاق راديوسىنىڭ» ەفيرىنەن قازاقتىڭ قاھارمان ۇلى، جازۋشى باۋىرجان مومىش ۇلىنىڭ «ۇشقان ۇيا» پوۆەسىنىڭ راديونۇسقاسىن تىڭداۋعا شاقىرامىز.
جوبانىڭ جەتەكشىسى - ماحات سادىق. ءماتىنىن وقىعان ديكتور - امانجان ەڭسەباي ۇلى. مۋزىكامەن كوركەمدەگەن - سوۆەتحان مەيىرحان ۇلى»، - دەپ جازىلعان حابارلامادا.
