بيىلعى تامىزدا استانادا الەمنىڭ ەڭ تانىمال دزيۋدوشىلارى جينالادى

اعىمداعى جىل «سپورتتىق جەكپە-جەك جانە كۇش قولدانىلاتىن سپورت تۇرلەرى كونفەدەراتسياسى مەن دزيۋدو فەدەراتسياسى ءۇشىن وتە ماڭىزدى جىل رەتىندە بەلگىلەنىپ وتىرعاندىعىنا توقتالعان م. مىقتىبەكوۆ، «بيىل تۇڭعىش رەت قازاقستاندا، اتاپ ايتقاندا استانادا دزيۋدو كۇرەسىنەن ەرەسەكتەر اراسىنداعى الەم چەمپيوناتى وتەدى. تامىز ايىنىڭ 25-30 ى ارالىعىندا ەلوردامىزعا الەمدەگى ەڭ تانىمال سپورتشىلار جينالادى. چەمپيوناتقا الەمنىڭ 100 دەن استام ەلى قاتىسادى دەپ كۇتىلۋدە»، - دەدى.

وسى ورايدا ول وسى چەمپيوناتقا بىلتىردان بەرى قىزۋ دايىندىق ءجۇرىپ جاتقاندىعىن اتاپ ءوتتى. بۇل باعىتتا الەم بىرىنشىلىگىنىڭ سايتى ىسكە قوسىلدى.

سونىمەن قاتار فەدەراتسيا وكىلى بۇگىندە قازاقستاندا سپورتتىڭ وسى تۇرىنە ارنالعان جاتتىعۋ وتكىزەتىن بازالاردىڭ سانى ارتىپ كەلە جاتقاندىعىن، وسى باعىتتا بيىلدىڭ سوڭىنا دەيىن الماتى قالاسىنداعى دزيۋدو ورتالىعى پايدالانۋعا بەرىلەتىندىگىن جەتكىزدى.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى