بايان ەسەنتايەۆا ءوزىن قازاق ءتىلىن بىلمەگەنى ءۇشىن سىناعاندارعا جاۋاپ بەردى
«تۋعان ءتىلىمدى بىلمەگەنىم ءۇشىن ءجيى سىن ەستيمىن. ءيا، ءدال سولاي، مەن ورىس تىلىندە ويلايمىن، ورىس بالاباقشاسىنا باردىم، ورىس مەكتەبىن ءبىتىردىم، ول كەزدە قالادا تەك ءبىر عانا قازاق مەكتەبى بار بولاتىن، ءبىراق ول اقتالعانىم ەمەس، اقتالعىم كەلمەيدى دە! مەن وزىمە سىن ايتاتىنداردان، مەنەن قاي جەرىڭىز جاقسى، ءوز حالقىڭىز بەن ەلىڭىز ءۇشىن نە ىستەدىڭىزدەر؟ دەپ سۇراعىم كەلەدى. تەك قانا قازاقشا سويلەگەنىڭىز ءۇشىن وزدەرىڭىزدى ناعىز قازاق رەتىندە ساناۋعا كىم قۇقىق بەردى؟ مەن - قازاقپىن! جۇرەگىم قازاق! جانىم قازاق! ىستەگەن ىستەرىمنىڭ بارلىعى، بىرىنشىدەن، قازاق ءتىلىن، مادەنيەتىن جانە شىعارماشىلىعىن دامىتۋ ءۇشىن جاسالادى»، - دەپ جازدى ول ينستاگرامداعى پاراقشاسىندا.
ءوز سوزدەرىن راستاۋ ءۇشىن ول «قازاق ارۋى» بايقاۋىنىڭ وتكىزىلۋىن مىسالعا كەلتىردى.
«قازىر مەن ورىسشا سويلەسەم دە «قازاق ارۋى» بايقاۋىن دايىنداپ ءجۇرمىن. بۇل جوبا ەڭ بىرىنشىدەن، قازاق حالقىنىڭ ءتىلىن، ادەبيەتىن، تاريحىن، مادەنيەتىن، سالت-داستۇرلەرىن دامىتۋعا باعىتتالعان! مەن ەشتەڭەدەن ۇيالمايمىن! مەن قازاقستاندى، ءبىزدىڭ كوپ ۇلتتى ەلىمىزدە تۇراتىن ادامداردىڭ بارلىعىن جاقسى كورەمىن! بارلىعىڭىزعا جاقسىلىق تىلەيمىن!»، - دەپ تۇيىندەدى ول.
ەستەرىڭىزگە سالا كەتەيىك، بايان ەسەنتايەۆا تانىمال «كەشيۋ» جانە «لاشىن» توپتارىنىڭ، سونداي-اق جانار دۇعالوۆا، كامشات جولدىبايەۆا جانە انەل ارىنوۆانىڭ پروديۋسەرى بولىپ تابىلادى. قازاقستاندىقتارعا ول تەلەحيكايالاردىڭ اكتريساسى مەن پروديۋسەرى رەتىندە دە تانىمال.
