ۆينوكۋروۆ «استانا» ۆەلوكومانداسىنىڭ جاڭا قۇرامىن دۋبايدا تانىستىردى
ۆينوكۋروۆ پرەزەنتاتسيانىڭ نەلىكتەن بىرىككەن اراب امىرلىگىندە وتكەنىن ءتۇسىندىردى. «ەۋروپادا كوماندامىز بەن ەلىمىزدىڭ يميدجىن جوعارى كوتەردىك دەپ ويلايمىن. دۋباي تۋرىنان باستالعان تانىستىرىلىممەن دۋباي تۋرى مەن كاتار تۋرى، ومان تۋرى وتەتىن ارابيا تۇبەگىندە جەڭىسپەن باستاعىمىز كەلەدى»، - دەدى ۆينوكۋروۆ.
ۆينوكۋروۆ ماۋسىم اراسىندا كوماندا باسشىلىعىنىڭ توعىز جاڭا كەلىسىم-شارتقا قول قويۋى ارقىلى ترانسفەر نارىعىندا ايتارلىقتاي جۇمىس جاساعانىن ايتتى. جاڭا ماۋسىمدا «استانا» سپورت كيىمىنىڭ ديزاينىن وزگەرتتى، ال ۆەلوسيپەد ءوندىرۋشى اۋىسقان جوق. سالتاناتتى شاراعا دۋبايدا تۇرىپ جاتقان جۇزدەگەن ادام كەلىپ قاتىستى.
