ۇلتتىق ناقىشتاعى كادەسىيلاردى قازاقستاندا جاساۋعا نە كەدەرگى؟

ءبىر عانا اساتاياقتى جاساۋ ءۇشىن 5-6 شەبەر جارتى جىل بويىنا ەڭبەك ەتەتىن كورىنەدى. قۇرامىندا ءۇش مەتالدىڭ قوسىندىسى بار جانە ونعا تارتا اشەكەي تاستارمەن كومكەرىلگەن. ەڭ باستىسى، قازاقستاندا جاسالعان. ال حرۋستال جانە شىنىدان جاسالىپ، جىبەك ماتادان توقىلعان بۇيىمداردىڭ ۇلگىسىن قازاقستاندىق شەبەرلەر سىزادى. ءبىراق قىتايدا شىعارىلادى. ال تارەلكەلەرگە ءتۇرلى سۋرەتتەر مەن ويۋ-ورنەك سالۋ ءۇشىن تۇرىك اعايىنداردىڭ كومەگىنە جۇگىنۋگە تۋرا كەلگەن. سوندا ۇلتتىق ناقىشتاعى كادەسىيلاردى قازاقستاندا جاساۋعا نە كەدەرگى؟

- ارينە، وتاندىق ءونىمدى شامامىزعا قاراي وتاندا وندىرگەن وتە جاقسى. ءبىراق كەي كەزدە ماتەريالدىڭ تاپشىلىعى بولادى. وزىمىزدە جاسايىق دەسەك تە، ماتەريال بولمايدى. ال ماتەريالدى تاعى قازاقستاندا وندىرۋگە تۋرا كەلەدى. ەگەر ءبىز ول ماتەريالدى تاعى ءوندىرىپ جاتساق، وندا ول زاتتىڭ قۇنى قىمبات بولادى دەگەن ءسوز. مەتالدان جاسالعان كادەسىيلاردى قازاقستاندىق قولونەر شەبەرلەرى دايىندايدى. ارنايى اشىلعان سەحتا 50 شاقتى ادام تەمىردەن ءتۇيىن تۇيەدى. «شىمىر قولدان شىققان دۇنيەلەرگە شەتەلدەردەن دە تاپسىرىس ءتۇسىپ جاتادى. سوندىقتان، ەندى ەۋرازيالىق ەكونوميكالىق وداق اياسىندا وتاندىق قولونەر بۇيىمدارىن ەكسپورتتاۋعا ەرەكشە دەن قويماقپىز»، - دەيدى «ادەمى-اي» كومپانياسىنىڭ ديرەكتورى باحارگۇل تولەگەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى