دەنساۋلىق: سۋسامىردىڭ ەمى - شۇبات

سۋسامىر دەرتىنە شيپا تاپپاي الەمدىك مەديتسينا داعدارىپ جاتقاندا شىمكەنتتىك عالىم ءمۇساتىللا توقانوۆ داۋاسىن تۇيە سۇتىنەن تاپتى.

قازىر دۇنيەنى وبىر اۋرۋى تەڭسەلتىپ تۇر. الەمدىك مەديتسينا دارمەنسىز. ءبىراق ەمىن جاپپاي ىزدەپ جاتىر. ماسكەۋدىڭ گەرتسەن اتىنداعى ونكولوگيالىق ينستيتۋتىنىڭ پروفەسسورى ر. ي. ياكۋبوۆسكايا باستاعان ءبىر توپ عالىمدار وبىر اۋرۋىنىڭ الدىن الاتىن لاپروت دەگەن پرەپاراتتى وندىرىسكە ەنگىزبەكشى. پروفەسسور راكقا قارسى لاكتوفەررين دەگەن فەرمەنتتى انا ءسۇتىنىڭ اقۋىزىنان تاپقان. ءبىراق عىلىمي جاڭالىقتىڭ وزىندىك قيىندىقتارى از ەمەس. ماسەلەن، 1 گرام لاكتوفەرريندى الۋ ءۇشىن 25 ايەلدىڭ ءسۇتى وڭدەلۋى كەرەك. ونىڭ وزىندىك قۇنى 2500-3000 ا ق ش دوللارى. ال 100 گرام الۋ ءۇشىن 2,5 توننا انا ءسۇتى كەرەك.

عالىمنىڭ دالەلدەۋىنشە تۇيە سۇتىنەن دە لاكتوفەررين الۋعا بولادى. سونىمەن قاتار، تۇيە ءسۇتى سيىر سۇتىمەن سالىستىرعاندا «س» دارۋمەنى 5 ەسە، «РР» 3 ەسە، «ە» 2 ەسە، «تەمىر» 10 ەسە، «كالتسي» 1,5 ەسە، «لاكتوفەررين» 30 ەسە كوپ.

باسقا قاسيەتتەرىن ساناماعاندا قۇرت اۋرۋىنا، ىشەك-قۇرىلىستارى، باۋىر، دارۋمەن جەتىسپەۋشىلىك، قان ازدىق جانە قانت اۋرۋىنا بىردەن-ءبىر ەمىڭىز تۇيە سۇتىندە، دەلىنگەن ماقالادا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى