ناۋقاس اكەسى ءۇشىن بىرنەشە رەت سۇرانعان قىزدى جۇمىستان قۋعان باسشىلىق كىنالى بولىپ شىقتى

جاس قىز «قۇسمۇرىن بالا باقشاسى» م ك ك- دا اۋلا تازالاۋشى بولىپ جۇمىس ىستەگەن. الايدا، اكەسىنىڭ ناۋقاستانۋىنا بايلانىستى ول بىرنەشە رەت تولەماقىسىز ەڭبەك دەمالىسىن العان جانە جۇمىستان سۇرانعان. الايدا، جۇمىستان ول دالەلدى سەبەبى جوق دەگەن كىنامەن شىعارىلعان. تالاپكەر ءوزىن جۇمىستان زاڭسىز شىعارىلعانىن ايتىپ، جۇمىسقا قايتا كىرۋ، ءماجبۇرلى جۇمىسسىز جۇرگەن كەزدەگى ەڭبەكاقىنى ءوندىرۋ جانە 50 مىڭ تەڭگە كولەمىندە مورالدى شىعىن ءوندىرۋ نەگىزىندە تالاپ شاعىمىمەن سوتقا جۇگىنگەن.

جاۋاپكەر بولىپ سانالاتىن بالاباقشا مەڭگەرۋشىسى ازاماتشا ر. تالاپ شاعىمدى مويىندامادى جانە سوتقا تالاپكەردىڭ جۇمىستان زاڭدى تۇردە شىعارىلعانىن ايتىپ، ارىزدى قاناعاتتاندىرماۋدى سۇرادى.

ءىس بويىنشا تاراپتاردى، كۋاگەرلەردى، پروكۋرور قورىتىندىسىن تىڭداعان سوت ازاماتشا س.- ءتىڭ جۇمىستان شىعارىلۋىن زاڭسىز دەپ تاپتى. سوت ازاماتشانى جۇمىسقا قايتا ورنالاستىرىپ، ءماجبۇرلى جۇمىسسىز جۇرگەن كەزدەگى 73 مىڭ تەڭگە مولشەرىندەگى ەڭبەك اقىسىن ءوندىرىپ بەردى.

سونىمەن قاتار، سوت ءىس بويىنشا جاۋاپكەر مەملەكەتتىك، مەكتەپكە دەيىنگى، ءبىلىم بەرۋ مەكەمەسى بولىپ تابىلاتىنىن ەسكەردى. سوندىقتان، مورالدىق وتەمدى 20 مىڭ تەڭگە مولشەرىندە بەلگىلەدى.

سونداي-اق، جاۋاپكەردەن تالاپكەر پايداسىنا تۇبىرتەكپەن، شارتپەن جانە چەكپەن دالەلدەنگەن سوت شىعىندارى مەن وكىل قىزمەتى ءۇشىن جۇمسالعان 80 مىڭ تەڭگە سوت شىعىنى ءوندىرىلدى.

سوت شەشىمى زاڭدى كۇشىنە ەنگەن جوق.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى